भैंसी ल्याउँदा भंसार नतिर्नेदेखि यात्रु ठग्ने चालकसम्म प्रहरी फन्दामा
नेपालबहस संवाददाता
असार ७, २०७७ आइतबार २३:३५:१६
७ असार, काठमाडौं । पास बिना सवारी साधन संचालन गर्ने तथा तोकिए भन्दा बढी भाडा लिई यात्रु ओसारपसार गर्ने तीनजना पक्राउ परेका छन् । तीनजना सवारी चालकहरूलाई आइतबार महानगरीय प्रहरी वृत्त थानकोट तथा महानगरीय प्रहरी प्रभाग नागढुंगाबाट खटिएको प्रहरीले पक्राउ गरेको हो ।
पक्राउ पर्नेहरुमा नेपालगंजबाट काठमाडौंतर्फ आउँदै गरेको बा.४ ख ४५८० नम्बरको हाईस गाडीका चालक बाँके नेपालगंज उपमहानगरपालिका–६ घर भएका २६ वर्षीय राहुल डबगर, झापाबाट काठमाडौं आउँदै गरेको ना.५ ख ५८३४ नम्बरको यात्रुवाहक बसका चालक सुनसरी पानमरा नगरपालिका–२२ घर भएका ४० वर्षीय राकेश शाक्य र नेपालगंजबाट काठमाडौतर्फ आएको ना. ७ ख ७३९५ नम्बरको यात्रुवाहक बसका चालक बाँके खजुरा गाउँपालिका–२ बस्ने ३४ वर्षीय रुद्रबहादुर खत्री रहेका छन् ।
ती चालकहरुलाई एक जिल्लाबाट अर्को जिल्ला जान सम्बन्धित निकायबाट जारी गरेको पास तथा उनीहरुको सवारी गाडीमा सवार अन्य व्यक्तिहरुको कोरोना भाईरस पहिचान हुने पीसीआर रिपोर्ट माग्दा प्रहरीले माग गरे बमोजिमको कुनै कागजात नभएकोले ३ वटै सवारी साधनका चालकलाई प्रहरीले पक्राउ गरेको हो ।
प्रारम्भिक सोधपुछको क्रममा राहुल डबगरले प्रतियात्रु २ हजार भाडा लिई ७ जना यात्रीबाट १४ हजार रकम लिएको तथा एकजना यात्रीलाई चितवनबाट चढाई ८ सय भाडा लिएको, राकेश शाक्यले १९ जना यात्रु बोकी आएकोमा प्रतियात्रु २ हजारको दरले ३८ हजार लिएको तथा रुद्रबहादुर खत्रीले १५ जना यात्रु बोकी आएकोमा प्रतियात्रु २ हजारको दरले ३० हजार भाडा लिई यात्रु ओसारपसार गरेको खुलेको छ ।
ती सवारी साधनमा सवार ४२ जना यात्रुहरूलाई कीर्तिपुर राधाश्वामी सत्संग होल्डिङ जोनमा आवश्यक व्यवस्थापनको लागि पठाउनुका साथै ३ वटै सवारी साधनका चालकहरूलाई सवारी साधन, बरामद रकमसहित संक्रमण रोग ऐन, २०२० अन्तर्गत आवश्यक कारवाहीको लागि जिल्ला प्रशासन कार्यालय काठमाडौं पठाइएको महानगरीय प्रहरी वृत्त थानकोटले जनाएको छ ।
साथै सोही कार्यालयबाट खटिएको प्रहरीले बिहीबार ६ जना यात्रु बोकी नेपालगंजबाट थानकोटतर्फ आउँदै गरेको बा. ४ ख ७३७३ नम्बरको हाईसका चालक बाँके नेपालगंज उपमहानगरपालिका–४ घर भएका ३३ वर्षीय विकाश शर्माले पक्राउ गरी संक्रमण रोग ऐन २०२० अन्तर्गत कारवाहीको लागि जिल्ला प्रशासन कार्यालय काठमाडौं पठाएको थियो ।
प्रहरी दैनिक बुलेटिन
महानगरीय प्रहरी वृत्त थानकोट
महोत्तरी, बर्दिवास नगरपालिका वडा–१ स्थितबाट अवैध लागूऔषध अफिम १ केजी ९ सय ७५ ग्राम सहित ३ जनालाई शनिबार दिउँसो प्रहरीले पक्राउ गरेको छ ।
पक्राउ पर्नेहरुमा धादिङ बेनिघाट रोराङ गाउँपालिका–१ बस्ने ३८ वर्षीय दुर्गा बहादुर तामाङ, सोही ठाउँ बस्ने ४५ वर्षीय बीर बहादुर तामाङ र सिरहा नराहा गाउँपालिका–३ बस्ने ३७ वर्षीय धनपैत यादव रहेका छन् । विशेष सूचनाको आधारमा लागूऔषध नियन्त्रण ब्यूरो शाखा कार्यालय वीरगंज पर्साबाट खटिएको प्रहरीले उनीहरुलाई उक्त परिमाणको लागूऔषध सहित पक्राउ गरी ईलाका प्रहरी कार्यालय बर्दिबास बुझाएको हो । साथै उनीहरुको साथबाट ना.४० प ६१५७ नम्बरको मोटरसाइकल समेत प्रहरीले बरामद गरेको हो । पक्राउ परेका व्यक्तिहरु उपर ईलाका प्रहरी कार्यालय बर्दिबासबाट लागूऔषध नियन्त्रण ऐन, २०३३ बमोजिम मुद्दा दर्ता गरी अनुसन्धान भइरहेको लागूऔषध नियन्त्रण ब्यूरो कोटेश्वरले जनाएको छ ।
सुनसरी, कोशी गाउपालिका–७ हरिपुरस्थित सडकबाट अवैध लागूऔषध ब्राउनसुगर ८ ग्राम ५ सय ८० मिलिग्राम र भारतीय नगद १ हजार २ सय ५० सहित २ जनालाई शुक्रबार दिउँसो प्रहरीले पक्राउ गरेको छ । पक्राउ पर्नेहरुमा भारत बिहार राज्य जिल्ला सुपौल ग्राम पंचायत फत्तेहपुर–१ वस्ने २० वर्षीय लक्ष्मण कुमार पासवान र १९ वर्षीय अर्जुन कुमार पासवान रहेका छन् ।
जिल्ला प्रहरी कार्यालय सुनसरीबाट खटिएको प्रहरीले उनीहरुलाई उक्त परिमाणको लागूऔषध सहित फेला पारी पक्राउ गरेको हो । साथै उनीहरुको साथबाट भारतीय आधार कार्ड, श्री राजकीय उच्च विद्यालय विरपुर सुपौलको परिचयपत्र, एसबिआई बैंकको डेविट कार्ड, आयकर विभागिय कार्ड, पंजाव नेशनल बैंकको एटिएम कार्ड र भारतीय सीम कार्ड १ थान समेत प्रहरीले बरामद गरेको छ । पक्राउ व्यक्ति उपर लागूऔषध नियन्त्रण ऐन, २०३३ वमोजिम मुद्धा दर्ता गरी जिल्ला अदालन सुनसरीबाट दिन ५ (पाँच) म्याद थप भई अनुसन्धान भइरहेको जिल्ला प्रहरी कार्यालय सुनसरीले जनाएको छ । यस सम्बन्धमा स्थानीय प्रहरीले थप अनुसन्धान गरिरहेको छ ।
भंसार छलि ल्याउँदै गरेको भैंसी र पाडीसहित पक्राउ
छिपहरमाई गाउँपालिका–३ स्थित भंसार छली नेपालतर्फ अवैध रुपमा ल्याउँदै गरेको करिब ६२ हजार मूल्यको भैसी १ वटा र पाडी १ वटा सहित सोही गाउँपालिका–४ बस्ने ५० वर्षीय रामबेनी यादबलाई आइतबार बिहान प्रहरीले पक्राउ गरेको छ । जिल्ला प्रहरी कार्यालय पर्साबाट खटिएको प्रहरीले उनलाई पक्राउ गरेको हो ।
यादबलाई आवश्यक कारवाहीको लागि बीरगंज भंसार कार्यालमा बुझाइएको जिल्ला प्रहरी कार्यालय पर्साले जनाएको छ ।
खोलामा डुबेर मृत्यु
आज नै दार्चुला नौगाड गाउँपालिका–३ ऐरडा बस्ने २४ वर्षीया कमल ठगुन्नाको सोही ठाउँस्थित गोगने खोलामा डुबेर आइतबार बिहान मृत्यु भएको छ । माईती घर जाँदै गरेको अवस्थामा खोला तर्ने क्रममा डुबेर उनको मृत्यु भएको हो । यस सम्बन्धमा प्रहरीले थप अनुसन्धान गरिरहेको छ ।
सवारी दुर्घटनामा परी मृत्यु
दाङको तुलसीपुर उपमहानगरपलिका–२ कुमलगढी भन्ने स्थानमा रा.१ त. ७५७ नम्बरको ट्याक्टरले विपरीत दिशाबाट आएको लु.५८ प १८४३ नम्बरको मोटरसाइकललाई आइतबार दिउँसो ठक्कर दिँदा मोटरसाइकल चालक नवलपरासी राजाग्राम नगरपालिका–१४ घर भएका २७ वर्षीय जितेन्द्र चौधरीको मृत्यु भएको छ । दुर्घटनामा गम्भीर घाइते भएका चौधरीको राप्ती प्रादेशिक अस्पताल तुलसीपुरमा उपचारको क्रममा मृत्यु भएको हो । ट्याक्टर र चालकलाई नियन्त्रणमा लिई यस सम्बन्धमा प्रहरीले थप अनुसन्धान गरिरहेको छ ।
पिङग खेल्ने क्रममा डोरी बेरिएर मृत्यु
बारामा पिङग खेल्ने क्रममा पिङगको डोरी घाँटीमा बेरिन गई कलैया उपमहानगरपालिका–५ घुसुकपुर बस्ने ईम्तियाज अन्सारीको छोरा ८ वर्षीय साहील अन्सारीको आइतबार दिउँसो मृत्यु भएको छ । आफ्नै घरको छतमा पिङ्ग खेल्ने क्रममा पिङ्गको डोरी घाँटीमा बेरिंदा गम्भीर घाइते भएका उनको उपचारको लागि जिल्ला अस्पताल कलैयातर्फ लैजाने क्रममा बाटोमै मृत्यु भएको हो ।
पहिरोको कारण सडक अवरोध
सिन्धुपाल्चोक, भोटेकोशी गाउँपालिका–५ चाकु, सोही गाउँपालिका–४ डाक्लाङ र ३ किलोस्थित अरनिको राजमार्गमा आइतबार बिहान सडक माथिबाट पहिरो आई बाटो पूर्णरुपमा अवरोध भएको छ । प्रहरी चौकी फुल्पिङकट्टीबाट खटिएको प्रहरीले स्थानीय र भोटेकोशी हाईड्रोपावरसँग समन्वय गरी पहिरो हटाउने कार्य गरिरहेको छ ।
पाल्पा, तानसेन नगरपालिका–११ शम्भोबारीस्थित पाल्पा–गुल्मी सडकमा आइतबार दिउँसो सडक माथिबाट पहिरो आई बाटो अवरोध भएको छ । प्रहरी चौकी हार्थोकबाट खटिएको प्रहरीले पहिरो हटाउने कार्य गरिरहेको छ ।
विभिन्न धनमाल चोरी
रौतहट, फतुवा बिजयपुर नगरपालिका–८ बिजयपुर बस्ने २९ वर्षीय मुकेश साहको मोबाइल ईलेक्ट्रिक पसलबाट बिभिन्न कम्पनीको मोबाईल, पंखा लगायत बिभिन्न सरसामान गरी करिब २ लाख ५३ हजार रुपैयाँ बराबरको धनमाल आइतबार बिहान चोरी भएको छ ।
कैलाली, लम्की चुहा नगरपालिका–३ स्थित कर्णाली मावि चिसापानीको क्वारेन्टाइनमा बस्दै आएका सोही नगरपालिका घर भएका २३ वर्षीय चन्द्र विकको नगद ५० हजार रुपैयाँ र २५ वर्षीय प्रेम परियारको नगद ४९ हजार रुपैयाँ तथा मोबाइ १ थान आइतबार बिहान चोरी भएको छ । उनीहरुसँगै क्वारेन्टाइनमा बस्दै आएका लम्की चुहा नगरपालिका–१ बस्ने २२ वर्षीय निगम बजगाईंले उक्त रकम चोरी गरी फरार भएको बताइएको छ । ईलाका प्रहरी कार्यालय चिसापानीबाट खटिएको प्रहरीले बजगाईँको खोजी गरिरहेको छ । चोरीमा संलग्न हाल फरार व्यक्तिहरुको खोजी गर्नुका साथै यस सम्बन्धमा स्थानीय प्रहरीले थप अनुसन्धान गरिरहेको छ ।
आगलागीबाट विभिन्न धनमाल जलेर नष्ट
शहीदनगर नगरपालिका–८ बिसरभोरा दुर्गाटोल बस्ने चलित्र राउत यादवको फुसको घरमा आइतबार बिहान आगलागी हुँदा घर तथा घरभित्र रहेको अन्नपात, लत्ताकपडा, भाँडावर्तन लगायतका सामान जलेर करिब २ लाख रुपैयाँ बराबरको धनमाल नष्ट भएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपउपनिर्वाचनलाई जातीय र धार्मिक दृष्टिले हेरिए सुरक्षामा चुनौती बढ्ने प्रहरीको विश्लेषण
बैशाख १३, २०८१ बिहिबार
प्रेम सम्बन्धको विवादमा झडप, ७ सेल अश्रुग्यास प्रहार
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
टोपबहादुर रायमाझीलाई थुनामै राख्न सर्वोच्चको आदेश
बैशाख १३, २०८१ बिहिबार
निजी क्षेत्रको मनोबल उकास्न सरकारले महत्वपूर्ण निर्णय गर्छ : अर्थमन्त्री पुन
बैशाख १३, २०८१ बिहिबार
मुख्यमन्त्री कार्कीसँग बहुमत नरहेको पत्र प्रदेश प्रमुखलाई पठाइयो
बैशाख १३, २०८१ बिहिबार
जसपाले बोलायो केन्द्रीय कार्यकारिणी समितिको बैठक
बैशाख १३, २०८१ बिहिबार
कर्णालीका मुख्यमन्त्री कँडेलले पाए विश्वासको मत
बैशाख १३, २०८१ बिहिबार
भीम रावलको घुम्तीः न घर फर्किन मिल्ने, न घाट जान
बैशाख १३, २०८१ बिहिबार