कांग्रेस र जनता समाजवादी पार्टीले नागरिकता विद्येयकको विरोधमा प्रदर्शन

◊ धीरुभाइ

७ असार, सप्तरी । नेपाली कांग्रेस पार्टी सप्तरीले नागरिकता संशोधन विद्येयक फिर्ताको माग गर्दै आज राजविराज नगरमा विरोध प्रदर्शन गरेको छ । पार्टी कार्यालय अगाडीबाट निस्किएको विरोध प्रदर्शन नगरको विभिन्न भागको परिक्रमा गरी पुनः पार्टी कार्यालयमा पुगेर टुङ्गिएको थियो ।

पार्टीले अन्तिम संविधानमा भएको नागरिकता विद्येयक लागूको समेत माग गर्दै सरकार विरुद्ध चर्को नाराबाजी गरेका थिए । पार्टीका जिल्ला सभापति दिनेशकुमार यादवको नेतृत्वमा निकालिएको विरोध प्रदर्शनमा प्रदेश २ का सभा सदस्य गीताकुमारी यादव, जिल्ला सचिव रामकुमार यादव, जिल्ला नेता रामदेव साह, नगर सभापति शम्भुलाल देव, प्रभाकर साह ललन, नेपाल शिक्षक संघका अध्यक्ष शैलेन्द्र कुमार मण्डल, शिक्षक संधका परशुराम यादव, ट्रेड युनियन कांग्रेसका अध्यक्ष मनोजकुमार मण्डल लगायतको सहभागिता रहेको थियो ।

त्यस्तै नागरिकता संशोधन विद्येयकको विरुद्धमा जनता समाजवादी पार्टीले पनि छुटै विरोध प्रदर्शन गरेको छ । सरकार विरुद्ध लेखिएको विभिन्न प्लेकार्ड झुण्ड्याएर चर्को नाराबाजी गर्दै नगर परिक्रमा गरेको थियो । सो प्रदर्शनमा पार्टी आवद्ध तिलाठी कोइलाडी गाउँपालिका अध्यक्ष सतिशकुमार सिंह, राजविराज नगरपालिका प्रमुख शम्भुप्रसाद यादव, नेताहरु दिनेशकुमार यादव, लक्ष्मण यादव, शम्भु यादव, महिला नेतृहरु रमिला साह, पूनमकुमारी यादव लगायतको सहभागीता रहेको थियो ।