अब अदालतमा उपस्थित हुँदा अभियुक्तकाे पीसिआर रिपोर्ट अनिवार्य
नेपालबहस संवाददाता
असार ८, २०७७ सोमबार २३:४९:१३
८ असार, काठमाडौं । काठमाडौं जिल्ला अदालतले अब बयान तथा बहसका लागि उपस्थित गराइने अभियुक्त र उनीहरुसँगै आउने सुरक्षाकर्मीको पीसिआर नेगेटिभ रिपोर्ट अनिवार्य रुपमा पेश गर्न आदेश दिएको छ।
काठमाडौं जिल्ला अदालतका न्यायाधीश श्रीकृष्ण भट्टराईको इजसलासले विद्युतीय अपराधका आरोपी एकराम राईलाई पीसीआर विधिबाट कोरोना संक्रमण परीक्षण गराएर मात्र अदालतमा पेश गर्न आदेश दिएको हो । विधुतीय अपराध मुद्धामा राईसहितलाई बयानका लागि सोमबार अदालत लगिएको थियो ।
पीसीआर परिक्षण सके प्रतिवादी तथा सुरक्षाकर्मीकै खर्चमा नत्र सरकारी खर्चमा गर्न पनि सरकारी वकिल कार्यालयका नाममा आदेश दिइएको छ । काठमाडौं जिल्ला अदालतका श्रेस्तेदार आनन्द श्रेष्ठका अनुसार पीसीआर परीक्षण नभएका कारण सोमबार ती अभियुक्तको मुद्दामाथि कारबाही हुन सकेन । अब कोरोना परीक्षणको रिपोर्ट लिएपछि मात्र अदालती कारबाही अगाडि बढ्नेछ ।
तर अदालतले नेपाल स्वास्थ्य अनुसन्धान परिषद् र विश्व स्वास्थ्य संगठनले पीसीआर विधिकै परीक्षणलाई मान्यता दिएकाले पीसीआर विधिकै परीक्षण गरेर मात्र अदालत पेश गर्न आदेश दिएको हो । अदालतले मुद्दाको सुनुवाई नगरी फर्काइदिएपछि राईलाई पुन: महानगरीय प्रहरी परिसरकै हिरासतमा राखिएको छ ।
अदालतले प्रतिवादीलाई हिरासतबाट अदालतसम्म ल्याउने सुरक्षाकर्मी पनि प्रतिवादीसँग भौतिक रुपमा निकट भई काम गर्नुपर्ने भएकाले उनीहरूको पनि अनिवार्य रुपमा कोरोना परीक्षण गर्नुपर्ने आदेश दिएको छ । अदालतमा आउनेहरू कोरोना संक्रमित हो कि होइन भन्ने थाहा नहुँदा अदालतबाट रोग फैलिन सक्ने आदेशमा उल्लेख गरिएको छ ।यसरी गरिने परीक्षण भने सरकारी खर्चमै गर्ने प्रवन्ध मिलाउन आदेश दिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपउपनिर्वाचनलाई जातीय र धार्मिक दृष्टिले हेरिए सुरक्षामा चुनौती बढ्ने प्रहरीको विश्लेषण
बैशाख १३, २०८१ बिहिबार
प्रेम सम्बन्धको विवादमा झडप, ७ सेल अश्रुग्यास प्रहार
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
पूर्वमन्त्री आलमसहित चार जनालाई जन्मकैदको फैसला
बैशाख १३, २०८१ बिहिबार
म्याग्दीमा पुख्र्यौली नाच प्रतियोगिता सुरु
बैशाख १३, २०८१ बिहिबार
योजना कार्यान्वयनका लागि रूपान्तरणका क्षेत्र पहिचान गरिएको छ : प्रधानमन्त्री प्रचण्ड
बैशाख १३, २०८१ बिहिबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार
बागमती प्रदेशसभा : हिउँदे अधिवेशनका ५७ दिनमा ६ बैठक मात्रै !
बैशाख १३, २०८१ बिहिबार
नारायणी नदीमा सशस्त्रको सेमुलेशन अभ्यास सम्पन्न
बैशाख १३, २०८१ बिहिबार