लघुवित्तको आईपीओ नपरेर हैरान हुनुहुन्छ, भोलिदेखि आउँदैछ निकै ठूलो मात्रामा आईपीओ

---

९ असार, काठमाडौं । लघुवित्तको आईपीओ नपरेर धेरै लगानीकर्ताहरु निराश हुँदै आएको अवस्थामा  भोलि अर्थात सार १० गतेबाट भने निकै ठूलो परिमाणमा एनआईसी एशिया लघुवित्तको शेयर निस्काशन हुँदै छ । ४ लाख ४४ हजार ३ सय २० लगानीकर्ताहरुले आवेदन दिँदासम्म सबैले न्युनतम दश-दश कित्ता शेयर प्राप्त गर्ने छन् । यसअघिको आईपीओमा ४ लाख भन्दा थोरै लगानीकर्ताले आवेदन दिएका थिए ।

लघुवित्तले ४७ लाख ५५ हजार कित्ता शेयर सर्वासाधारणलाई निस्काशन गर्दै छ । सो कित्ता मध्ये ५ प्रतिशत म्युचुअल फण्ड र ०.५ प्रतिशत लघुवित्तका कर्मचारीलाई छुटाईएको छ । सर्वासाधारण जनताको लागि ४४ लाख ४३ हजार २०० कित्ता शेयर निष्काशन गरिएको छ । कम्पनीले प्रति कित्ता एक सय रुपैयाँमा आईपीओ निस्काशन गर्न लागेकोमा लगानीकर्ताले न्युनतम दश कित्ता आवेदन दिन सक्ने छन्।

लघुवित्तको आईपीओमा असार १० गते खुल्ने छ भने असार १४ गते बन्द हुने छ। असर १४ सम्म पनि पुरै शेयर बिक्री नभएमा समय असार २४ गते सम्म समय थपिने छ।