अबको आईजीपी थापा की पाल ?

१० असार, काठमाडौं । २०४६ को राजनीतिक परिवर्तनपछि संभवतः पहिलो पटक नेपाल प्रहरीको २८ औं महानिरीक्षकका लागि प्रतिस्पर्धीहरु अस्वस्थ प्रतिस्पर्धामा नउत्रने भएका छन् । वर्तमान प्रहरी महानिरीक्षक ठाकुरप्रसाद ज्ञवाली यही असार २४ गते सेवा निवृत्त हुँदैछन् । उनको उत्तराधिकारीका रुपमा शैलेश थापा क्षेत्री र हरि पाल लाइनमा बसेका छन् ।

दुुबै एआईजी समकालिन हुुन्, दुुवै नेपाल प्रहरीका काबिल अफिसर हुुन्– एकजना प्रहरी अधिकृतले भने । दुुईमध्ये जो भएपनि नेपाल प्रहरीका लागि उपयोगी मानिस हुुन् भन्दै ती अधिकारीले यसपाला आफ्ना लागि प्रयास गर्ने तर कसैको उछित्तो काढ्ने काम भने नगर्ने सहमति भएको बुुझिएको छ । आईजीपी जो भएपनि एकले अर्कालाई सघाउने भन्दै उनीहरुले एकले अर्कालाई खुुइल्याउने काम भने नगर्ने प्रतिबद्धता जनाएका छन् ।

नेपाल प्रहरीभित्र आफ्ना प्रतिस्पर्धीलाई नांगेझार पारेर पद हत्याउने परिपाटी लामो समयदेखि कायम रहेका बेला यस्तो सहमति हुुनुु प्रहरीका लागि खुुशीको कुुरा हो – ती अधिकारीले भने । यसअघि तीनजना आईजीपी एआईजी नभइकनै आईजीपी भएकोमा यसपाला भने त्यो अवस्था छैन । थापा र पाल दुवै एआईजीमा कार्यरत छन् । पूूर्व आईजीपी प्रकाश अर्याल, सर्बेन्द्र खनाल र वर्तमान आईजीपी ज्ञवाली डीआईजीबाट एकैचोटी आईजीपीमा बढुुवा हुुने भाग्यमानीमा पर्छन् ।

आईजीपी ज्ञवालीका प्रतिस्पर्धी तारणीप्रसाद लम्साल पनि एआईजी हुुन् । तर उनी पनि ३० वर्षे सेवाहदका कारण ज्ञवालीसँगै निवृत्त हुने भएकाले थापा र पाल मध्ये एकजना आईजीपी हुुनेमा परेका छन् । २०४९ सालमा एकैपटक प्रहरी निरीक्षक पदमा प्रवेश गरेका क्षेत्री र पाल आफ्नो क्षेत्रमा अब्बल मानिन्छन् । दुुवैमा प्रहरीको नेतृत्व सम्हाल्ने क्षमता र गुुण छ – एक प्रहरी अधिकृत भन्छन् । त्यसैले जो भएपनि प्रहरीमा असन्तुुष्टी वा बैमनश्यता बढ्ने अवस्था छैन – उनले भने ।

सर्वेन्द्र खनाल आईजीपी हुुँदा अर्का डीआईजी रमेश खरेलले विरोध नै जनाएका थिए । त्यसैले उनले राजीनामा नै दिए । अर्का प्रतिस्पर्धी पुश्कर कार्कीले पछिसम्म पनि आईजीपी हुने आकांक्षा छोडे्का थिएनन् । तर अहिले भने त्यस्तो अवस्था छैन । दुुवैजनाले एक अर्कालाई सहजै स्वीकार्ने अवस्था छ भन्दै यसबाट समग्र संगठनलाई नै फाइदा हुने धेरै प्रहरी अधिकृतको ठम्याई छ ।

दुुवै जना धेरै विवादमा नपरेका र व्यवसायिक प्रहरी अधिकृत भएकाले संगठनको नेतृत्वमा जो पुुगेपनि फरक पर्दैन भन्नेहरु धेरै रहेका छन् ।