थप ६ सय २९ जनामा कोरोना पुष्टि, संक्रमितको संख्या साढे १० हजार नाघ्यो

१० असार, काठमाडौं । नेपालमा थप ६ सय २९ जनामा कोरोना संक्रमण पुष्टि भएको छ । बुधबारसम्म विभिन्न अस्पताल तथा प्रयोगशालाबाट प्राप्त विवरणअनुसार ६ सय २९ जनालाई कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । यससँगै नेपालमा कोरोना संक्रमितको संख्या १० हजार ७ सय २८ पुगेको छ ।

यस्तै बुधबार मात्रै १ सय १४ जनालाई अस्पतालबाट डिस्चार्ज गरिएको छ । यससँगै कोरोना जितेर घर फर्किनेको संख्या २ हजार ३ सय ३८ पुगेको छ । पछिल्लो समय भारतबाट फर्किनेको संख्यासँगै समुदायस्तरमा फैलिएको कोरोनाले संक्रमण झन बढ्दो छ ।