निजी क्षेत्रलाई तर्साउने अख्तियार विधेयक रोक्ने नेकपाको निर्णय

१० असार, काठमाडौं । विवादास्पद र आलोचित अख्तियार दुरुपयोग अनुसन्धान आयोगसम्बन्धी विधेयक सत्तारुढ नेकपाले रोकेको छ । राष्ट्रियसभामा पेश भएको अख्तियारसम्बन्धि तत्काल अगाडी नबढाउन नेकपाले निर्देशन जारी गरेको छ ।

नेकपाको बैठकमा प्रवक्ता नारायणकाजी श्रेष्ठ चर्को विरोध गरेका थिए । साथै कांग्रेस सभापति शेरबहादुर देउवाले पनि नेकपालाई विधेयक अगाडी नबढाउन आग्रह गरेका छन । प्रतिपक्षीसँगै सत्तापक्षका सांसदले समेत विरोध जनाएपछि नेकपाले तत्काल विधेयक अगाडी नबढाउने निर्णय गरेको हो ।

अख्तियार विधेयक बहसमा आएदेखि निजी क्षेत्रले विरोध गर्दै आएका छन । तर व्यवसायीको गुनासो नसुनेको सरकारले विधेयक जबर्जस्त अगाडी बढाएको थियो ।