पूर्वराजा ज्ञानेन्द्र भन्छन- जनताको स्वास्थ्यमाथि ओली सरकारको खेलबाड !

१० असार, काठमाडौं । पूर्वराजा ज्ञानेन्द्र शाहले सरकारको कामकारबाहीप्रति असन्तुष्टि व्यक्त गरेका छन । सामाजिक सञ्जाल ट्वीटरमा प्रेस विज्ञप्ती सार्वजनिक गर्दै ज्ञानेन्द्रले नागरिकको सुरक्षा, स्वास्थ्य र जिविकोपार्जनमा सरकारको काम प्रभावकारी नभएको टिप्पणी गरेका हुन ।

ट्वीटरमा शेयर गरेको विज्ञप्तीमा उनले लेखेका छन, राष्ट्रियता नै हाम्रो मुल मन्त्र र एकता नै शक्ति हो तर जनताको सुरक्षा, स्वास्थ्य र जिविकाका विषयमा किन अलमल, असन्तोष र आक्रोश उठिरहन्छ ? रोगको महामारी, राष्ट्रियताको संकट, सीमा समस्याका सन्दर्भमा पनि किन सधैंभरि विवाद आइरहन्छ ?

पछिल्लो समय ओली सरकारको आलोचना भइरहेका बेला पूर्वराजा ज्ञानेन्द्रले पनि असन्तुष्टि व्यक्त गरेका हुन । खासगरी कोरोना महामारी नियन्त्रणमा सरकारले गम्भिर ध्यान नदिँदा जनताको स्वास्थ्यमा खेलबाड भएको पूर्वराजा ज्ञानेन्द्रको आरोप छ ।