सुरक्षाकर्मीले धरपकड गरेको भन्दै कांग्रेसको ध्यानाकर्षण
नेपालबहस संवाददाता
असार १०, २०७७ बिहिबार २:५४:१६
१० असार, काठमाडौं । नेपाली कांग्रेसले रुकुमपश्चिमको सोतीको घटनाबारे प्रधानमन्त्रीलाई ज्ञापनपत्र बुझाउने र शान्तिपूर्ण धर्नामा बस्ने क्रममा प्रदर्शनकारीलाई सुरक्षाकर्मीले लाठीचार्ज र धरपकड गरेको भन्दै सोबारेमा ध्यानाकर्षण भएको जनाएको छ ।
सोतीमा नवराज विकलगायत छ जनाको जघन्य हत्या भएकोविरुद्धमा संयुक्त राजनीतिक दलित सङ्घर्ष समिति र दलित नागरिक समाजको आयोजनामा भएको शान्तिपूर्ण आन्दोलनको क्रममा आज प्रदर्शनकारीलाई सुरक्षाकर्मीले लाठीचार्ज र धरपकड गरेको कांग्रेस केन्द्रीय कार्यालयद्वारा जारी विज्ञप्तिमा उल्लेख छ ।
सुरक्षाकर्मीले कांग्रेसका केन्द्रीय सदस्यद्वय जीवन परियार र लक्ष्मी परियार तथा राजकुमार हिङ्माङ्ग, टेकबहादुर विश्वकर्मा, रणबहादुर रम्तेल, शर्मिला वागचन्द, सुनिता मरिक, राम नेपाली, नानीमैयाँ र्पुर्कुटी, शोभा विश्वकर्मा, सङ्घर्ष दाहाल, हिक्मत महरा, लक्ष्मी थापा, धर्म बिडुवाल र दुर्गा विश्वकर्मालाई गिरप्तार गरेको विज्ञप्तिमा जनाइएको छ ।
सुरक्षाकर्मीको लाठी प्रहारबाट केन्द्रीय सदस्य लक्ष्मी परियार गम्भीर घाइते भएकाले थुनाबाट उपचारका लागि अस्पताल लगिएको र घटनामा अन्य धेरै व्यक्ति घाइते भएको कांग्रेस केन्द्रीय कार्यालयका मुख्यसचिव कृष्णप्रसाद पौडेलले जानकारी दिए ।
शान्तिपूर्णरुपमा ज्ञापनपत्र बुझाउन र धर्ना बस्न पाउने नागरिकको अधिकारमाथि ठाडो हस्तक्षेप गर्दै सरकारले संविधानको भावना र मर्मविपरीतका क्रियाकलाप गर्न थालेको आरोप लगाउँदै कांग्रेसले उक्त घटनाको भत्र्सना गरेको छ । साथै गिरफ्तार गरिएका सबैको तत्काल रिहाइ गर्न र घाइतेको उचित उपचारको व्यवस्था गर्न कांग्रेसले सरकारसँग माग गरेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपरुसी सेनामा २ सयभन्दा बढी नेपाली भर्ती
मंसिर २५, २०८० सोमबार
कीर्तिमानी सगरमाथा आरोही बुढालाई प्रधानमन्त्रीले दिए बधाई
जेठ ९, २०८० मंगलबार
सिर्सिया नदीको दुषित पानी बोकेर काठमाडौं आउँदै पीडित
जेठ ८, २०८० सोमबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार