देशैभर २० प्रतिशत रोपाइँ सम्पन्न

११ असार, काठमाडौं । मनसुनी बर्षा सुरू भएसँगै यति किसानलाई धान रोपाईको चटारो परेको छ । कृषि तथा पशुपन्छी विकास मन्त्रालयका अनुसार असार १० गतेसम्म देशभर २० प्रतिशत धान रोपाइँ सकिएको जनाएकाे छ ।

मन्त्रालयमा बुधबारसम्म प्राप्त देशैभरको तथ्यांक अनुसार कुल दुई लाख ७५ हजार हेक्टर हाराहारी क्षेत्रफलमा धान खेती भईसकेको छ । सरकारले लागु गरेकाे लकडाउनका कारण धेरै जसाे गाउँघरमै भएकाे र यस पटक समयमै मनसुन सुरु भएकाले रोपाइँमा कुनै कठिनाई नभएको मन्त्रालयले जनाएकाे छ ।

नेपालमा कुल १३ लाख ७१ हेक्टर क्षेत्रफलमा धान रोपाई हुने गरेकाे मन्त्रालयले जनाएको छ । यसवर्ष धान लगायतका कृषि उत्पादन बढ्ने अपेक्षा मन्त्रालयको छ । जमिन बाँझो नराख्ने सरकारी नीति र कोरोनाकै करण पनि आत्मनिर्भर बन्नकालागि खेती गर्ने चलनमा उल्लेख्य प्रगति भएको मन्त्रालयले जनाएको छ ।

यसैबीच, लकडाउनले रसायनिक मल आयातमा देखिएको समस्या समाधान गर्न पनि मन्त्रालयले प्रयास गरिरहेको जनाएको छ ।