दैलेखमा आत्महत्या गरेका युवामा कोरोना पुष्टि, मृत्तकको संख्या २६ पूग्यो

११ असार, सुर्खेत । दैलेखमा आत्महत्या गरेका युवामा कोरोना संक्रमण पुष्टि भएको छ । बुधबार बिहान घर नजिकै झुण्डिएको अवस्थामा फेला परेका दुल्लु नगरपालिका १० का २१ वर्षीय युवकमा कोरोना संक्रमण पुष्टि भएको हो । यससँगै नेपालमा कोरोना मृत्तकको संख्या २६ पुगेको छ । यसअघि पाटनमा मात्रै बिहीबार बिहान एक पुरुषको मृत्यु भएको थियो ।

आत्महत्या गरेका युवाको स्वाब परीक्षण गर्दा रिर्पोट पोजेटिभ आएको हो । गत जेठ ११ गते भारतबाट दैलेख आएका युवक पञ्चकोसी माध्यामिक विद्यालय गमौडीमा १४ दिन क्वारेन्टिनमा बसेका थिए । उनीसँगै क्वारेन्टिनमा बसेका २११ जनाको आरडीटी परीक्षण नेगेटिभ आएपछि घर पठाइएको थियो ।

यससँगै कर्णालीमा मात्रै कोरोना मृत्तकको संख्या ६ पुगेको छ ।