युएईबाट उद्धार गरेर खरीपाटी क्वारेन्टाइनमा राखिएका ४ जनालाई कोरोना

११ असार, काठमाडौं । युएईबाट उद्धार स्वदेश फर्काएर भक्तपुरको खरिपाटीस्थित क्वारेन्टिनबाट घर गएका चार जनामा कोरोना संक्रमण पुष्टि भएको छ । उनीहरु २३ जेठमा यूएईबाट नेपाल आएका थिए । एयर अरेबियाको जी ९ १७५१ नम्बरको विमानले १ सय ५७ जनालाई काठमाडौं ल्याएर छाडेको थियो ।

१४ दिन बसेपछि स्वाब संकलन गरेर पठाइएकामा रिर्पोट आएको थिएन । रिर्पोट नआउँदै घर पठाइएकामध्ये चार जनामा कोरोना संक्रमण पुष्टि भएको हो । संक्रमितमध्ये तीन महिला र एक पुरुष छन ।

संक्रमितहरुलाई उपचारका लागि पाटन अस्पताल भर्ना गरिने भएको छ ।