पुटिन सन् २०३६ सम्म रुसको राष्ट्रपति भइरहने पक्का

१२ असार, एजेन्सी । रुसका राष्ट्रपति भ्लादमिर पुटिन सन् २०३६ सम्मै सत्तामा रहने भएका छन । झण्डै एक हप्ता लामो मतदानपछि सार्वजनिक भएको मतदानअनुसार पुटिन अझै डेढ दशक सत्तामा रहन पाउने भएका हुन ।

उनलाई सत्तामा राख्नका लागि संविधान संशोधन गरिउको छ । पुटिनलाई लामो समयसम्म शक्तिमा राख्नेगरी बनाइएको नयाँ संवैधानिक व्यवस्थाको पक्षमा ठूलो मत परेपनि उनलाई थप समय शक्तिमा रहिरहन संवैधानिक रुपमै अधिकार मिलेको हो ।

संविधान संशोधनसम्वन्धी प्रस्ताव राष्ट्रपति पुटिनले गत जनवरीमा ल्याएका थिए। त्यस प्रस्तावमा अहिले मात्रै मतदान भएको हो। प्रत्येक कार्यकाल ६ वर्षको हुने भएकाले उनले अर्को १२ बर्ष रुसमा शासन गर्ने कानूनी बाटो पनि खुलेको छ ।

राष्ट्रपति पुटिनको अहिलेको कार्यकाल आगामी सन् २०२४ मा सकिने थियो। तर संविधानको नयाँ व्यवस्थाले २०२४ देखि थप ६ वर्षे दुई कार्यकाल थपेकाले उनको कार्यकाल अब सन् २०३६ सम्म सुनिश्चत भएको हो।

खासगरी अमेरिकालाई समेत जितेर विश्वकै शक्तिशाली देश बनेको रुसमा पुटिन सर्वाधिक लोकप्रिय छन । खासगरी उनको काम गर्ने शैली रुस जनता निकै मन पराउने गरेका छन ।