अब नेता, सांसद र मन्त्रीलाई सामाजिक सञ्जाल चलाउन गाह्रो !

१२ असार, काठमाडौं । संसदीय समितिले सामाजिक सञ्जाल चलाउँदा बिचार पु¥याउन सरकारलाई निर्देशन दिएको छ । प्रतिनिधिसभाको विकास तथा प्रविधि समितिले नियमनकारी निकायले पुष्टि गरेपछि मात्रै एप्स र सामाजिक सञ्जाल प्रयोग गर्न सरकारलाई निर्देशन दिएको हो ।

यसले अब जिम्मेवार पदमा रहेका नेता, सांसद र मन्त्रीलाई सामाजिक सञ्जाल चलाउनुभन्दा पहिले नियमनकारी निकायबाट अनुमति लिनु पर्ने भएको छ । समितिले शुक्रबार साइबर अपराध र सुरक्षाबारे सञ्चार तथा सूचना प्रविधि मन्त्रालय, नेपाल प्रहरीको साइबर ब्यूरो, राष्ट्रिय सूचना प्रविधि केन्द्रका पदाधिकारीसँग छलफल गरेपछि सरकारलाई यस्तो निर्देशन दिएको हो ।

केही दिनअघि जुम एप्सको प्रयोग गरेर बहस तथा छलफल गर्दा संस्कृति, पर्यटन तथा नागरिक उड्डयनमन्त्री योगेश भट्टराई सहभागी जुममा पोर्न भिडियो बजेको थियो । सोही कारण संसदीय समितिले सम्बन्धित निकायलाई बोलाएर छलफल गरेको हो । सरकारी वेवसाइट र सूचना प्रविधि सेवा प्रदायक कम्पनीहरुको अनिवार्य सेक्युरिटी अडिट गर्ने व्यवस्था मिलाउन निर्देश गरेको छ ।