कोरोना संक्रमितको संख्या १ करोड नजिक

१२ असार, काठमाडौँ । विश्वभर कोरोना संक्रमितको संख्या १ करोड नजिक पुगेको छ । चीनको वुहानबाट फैलिएको कोरोना भाइरस विश्वका २ सय १३ देशमा फैलिसकेको छ ।

यो समाचार तयार पार्दासम्म ९७ लाख ५४ हजार भन्दा धेरैलाई कोरोना संक्रमण पुष्टि भएको छ । जसमध्ये ४ लाख ९२ हजारको ज्यान गएको छ भने ५२ लाख ८० हजार उपचारपछि निको भएर घर फर्किएका छन ।

कोरोनाले सबैभन्दा धेरै अमेरिकामा २५ लाख, ब्राजिलमा १२ लाख, रुसमा ६ लाख र भारतमा झण्डै ५ लाख संक्रमित छन । नेपालमा अहिलेसम्म साढे ११ हजार संक्रमित छन भने २७ जनाको ज्यान गएको छ ।