रोनाल्डोको गोलमा युभेन्ट्सलाई फराकिलो अग्रता

१३ असार, एजेन्सी । इटालियन सिरि ए फुटबलमा युभेन्ट्स विजयी भएको छ । शुक्रबार राति भएको खेलमा युभेन्ट्सले लिसीलाई ४–० गोल अन्तरले हराएको हो ।

युभेन्ट्सका लागि क्रिष्टियानो रोनाल्डो, पाउलो डिबाला, गोन्जालो हिग्विन र म्याथिज डीलाइटले गोल गरे । जितसंगै युभेन्ट्सले तालिकामा ७ अंकको अग्रता लिएको छ ।

६९ अंक जोडेको शीर्ष स्थानको युभेन्ट्सले दोस्रो स्थानको लाजियोसंग ७ अंकको अग्रता बनाएको हो । लिसी २५ अंक सहित रेलिगेशन जोनमा छ ।