लेवान्डोस्की बने बुन्डेस लिगाकै उत्कृष्ट खेलाडी

१३ असार, एजेन्सी । बायर्न म्युनिखका स्ट्राइकर रोबर्ट लेवान्डोस्की बुन्डेसलिगाकै उत्कृष्ट खेलाडी बनेका छन । बायर्नलाई यस सिजनको उपाधि जिताउन महत्वपूर्ण भूमिका खेलेका लेवान्डोस्कीले बुन्डेसलिगाको उत्कृष्ट खेलाडी अर्थात प्लेयर अफ द सिजनको अवार्ड हात पारेका हुन् ।

उनी बुन्डेसलिगामा ११ खेलमा लगातार गोल गर्ने पहिलो खेलाडी बने । लेवान्डोस्कीले जर्मनको शीर्ष डिभिजनका सबै क्लबबिरुद्ध गोल गरेका छन् ।

उनले यस सिजन ३३ गोल गरेका थिए । बोरुसिया डर्टमण्डका जाडोन साञ्चो र बायर लिभरकुसनका काई हाभर्टज तेस्रो खेलाडी बने । समर्थन र बिज्ञको भोटका आधारमा लेवान्डोस्कीले ५० प्रतिशत भन्दा बढी भोट प्राप्त गरेका थिए ।