क्वारेन्टाइनमा खाना पकाउने भान्सेकाे मृत्यु, कोरोना पुष्टि हुन बाँकी

१३ असार, धनगढी । बैतडीको क्वारेन्टाइनमा रहेकाहरुलाई खाना पकाउने एक भान्सेकाे मृत्यु भएको छ । दशरथचन्द नगरपालिका-४ स्थित जगन्नाथ बहुमुखी क्याम्पसको क्वारेन्टाइमा रहेकाहरुलाई खाना पकाउने स्थानीय ५० बर्षीय पुरुषको मृत्यु भएको हो ।

शुक्रबार राति घरमै बिरामी भएका उनको शनिबार बिहान मृत्यु भएको जिल्ला प्रहरी कार्यालय बैतडीका प्रमुख प्रहरी नायव उपरीक्षक नारायणप्रसाद अधिकारीले जानकारी दिए । मृतकको कोरोना परीक्षणका लागि स्वाब संकलन गरिएको छ ।