नेपालका ७७ जिल्लामै कोरोना फैलियो, संक्रमित संख्या १२ हजार भन्दा बढी

१३ असार, काठमाडौं । नेपालमा कोरोना संक्रमितको संख्या १२ हजार भन्दा बढी पुगेको छ । शनिबार कोरोना भाइरसका पाँच सय ५४ जना नयाँ संक्रमित थपिए सँगै अब कोरोना संक्रमित संख्या १२ हजार तीन सय ९ पुगेका हो ।

स्वास्थ्य तथा जनसंख्या मन्त्रालयका प्रवक्ता जागेश्वर गौतमका अनुसार नेपालका ७७ जिल्लामै कोरोना संक्रमित देखिएका छन्। आज कैलालीका एक जना ५० वर्षीय पुरूषको मृत्यु भएको उनले बताए। असार ११ मा ती पुरूषमा कोरोना पोजेटिभ देखिएको थियो।

उनको भरतपुर अस्पतालमा निधन भएको हो। शव नेपाली सेनाको सहयोगमा व्यवस्थापन गरिने गौतमले बताए। कोरोनाबाट मृत्यु हुनेको संख्या २८ पुगेको छ।