काठमाडौँ भित्रियो सलह किरा, कृषि विज्ञ तनावमा !

१४ असार, काठमाडौँ । भारतबाट तराईका जिल्ला हुँदै नेपाल प्रवेश गरेको सलह किरा काठमाडौँ उपत्यकामा पनि भित्रिएको छ । आइतबार दिउँसो ललितपुरमा समेत सलह किरा देखिएको कृषि विज्ञले बताएका छन ।

मकवानपुरबाट प्रवेश गरेको सलह ललितपुरका प्युटार लगायतका ठाउँमा देखिएको हो । बर्षाका कारण सलहको झुण्ड सानो भएकाले विज्ञहरुले नआत्तिन भनेका छन । तर भारतमा वितण्डा मच्चाएको सलहले नेपालमा समेत भोकमरीको सिर्जना गर्न सक्ने जोखिम छ ।

यसअघि कृषि विज्ञहरुले सलह किरा नेपालमा आउन नसक्ने बताएका थिए । तर कृषि विज्ञको भनाई विपरित सलह काठमाडौँमा भित्रिएपछि विज्ञहरुलाई तनाव भएको छ ।

उनीहरुले बाहिर किसानलाई नआत्तिन भनेपनि यसको नियन्त्रणमा कठिनाई भएकाले तनाव सिर्जना भएको एक वैज्ञानिकले बताएका छन ।