आरडीटी नेगेटिभ आएपछि घर गएका युवकको मृत्यु

१४ असार, अछाम । अछाममा क्वारेन्टाइनमा बसेर घर गएका एक व्यक्तिको मृत्यु भएको छ । रामारोशन गाउँपालिका–५ स्थित एक विद्यालयको क्वारेन्टाइनमा बसेर घर गएका सोही ठाउँका ४५ वर्षीय पुरुषको मृत्यु भएको हो ।

गाउँपालिकाका स्वास्थ्य शाखा निरीक्षक प्रभुनाथ देवकोटाका अनुसार उनी जेठ २७ गते भारतबाट आएर क्वारेन्टाइनमा बसेका थिए । असार १० गते र्‍यापिड डाइग्नोस्टिक ‘आरडीटी’ टेस्ट गर्दा उनको रिपोर्ट नेगेटिभ आएपछि होम क्वारेन्टाइनमा बस्ने शर्तसहित घर पठाएको देवकोटाको भनाइ छ ।

कोरोना परीक्षणका लागि मृतकको स्वाब संकलन गरी धनगढी पठाइएको उनले बताए । मृतकको शवलाई स्वास्थ्य सुरक्षाको मापदण्ड अपनाएर व्यवस्थापनको तयारी भइरहेको छ ।