साम्राज्ञी र भुवन केसीबीच लफडा, यौन दुर्व्यवहारको आशंका !

१५ असार, काठमाडौँ । सदाबहार नायकले परिचित भुवन केसीले नायिका साम्राज्ञी राज्य लक्ष्मी शाहलाई यौन दुर्व्यवहार गरेको आशंका फैलिएको छ । केही दिनअघि साम्राज्ञी राज्य लक्ष्मी शाहले आफू यौन दुव्र्यवहारमा परेको र नेपाली चलचित्र क्षेत्रमा नातावादको ठूलो समस्या रहेको बताएकी थिइन ।

सामाजिक सञ्जालमार्फत उनले यस्तो गम्भिर कुरा बाहिर ल्याएपछि उनलाई समर्थन गर्ने र उनको विरोध गर्नेको संख्या बढ्दै छ । उनले अहिलेसम्म आफूले काम गरेका ८ वटा चलचित्रमध्ये ३ वटा चलचित्रमा यौन दुव्र्यवहार भोगेको समेत फेसबुकमार्फत खुलाएकी थिइन ।

त्यसमध्ये पहिलो फिल्म ड्रिम्स खेल्दा आफूले दुव्र्यवहार भोगेको पनि उनको संकेत थियो । तर पछिल्लो केही दिनयता ड्रिम्सका निर्माता तथा निर्देशक भुवन केसीले साम्राज्ञीलाई लक्षित गर्दै फेसबुकमा स्टाट्स हालेर आफुनो बदनाम गर्न खोजेको आरोप लगाएका छन ।

उनले ड्रिम्सबाट साम्राज्ञी हिट भएको भन्दै अहिले आएर आफूले डेब्यु गरेको चलचित्रलाई नै बदनाम गर्न लागेको आरोप समेत लगाएका छन । साम्राज्ञीले भुवन केसीबाटै आफू यौन दुव्र्यवहारको सिकार भएको नखुलाएपनि उनीहरुबीच लफडा रहेको देखिएको छ ।

जसले लकडाउनमा ठप्प बनेको चलचित्र क्षेत्र गसिपले भएपनि गर्माएको छ ।