सहलको अहिलेसम्मकै ठूलो झुण्ड भेटियो कपिलवस्तुको जंगलमा

१५ असार, भैरहवा । भारतबाट ठूलो झुण्डसहितको सलह नेपाल भित्रिएको छ । कपिलवस्तुका तीन नगरपालिकामा सलहको ठूला झुण्डहरू देखिएका हुन ।

बुद्धभूमि, शिवराज र कपिलवस्तु नगरपालिकाको जंगल यतिबेला सहले ढाकिएको छ । सलहको ठूला झुण्ड देखा परेको प्लान्ट क्वारेन्टाइन तथा विषादी व्यवस्थापन केन्द्रका प्रवक्ता रामकृष्ण सुवेदीले जानकारी दिए ।

आइतबार अपराह्न करिब ८ देखि १० लाखभन्दा धेरै संख्याको सलहको झुण्ड कपिलवस्तुमा प्रवेश गरेको सुवेदीको भनाई छ । करिब २० घण्टासम्म एकै ठाउँमा बसेको सलहको उक्त झुण्ड नेपालमा भेटिएकोमध्ये सबैभन्दा ठूलो भएको अनुमान छ ।

यो झुण्ड जंगल छाडेर गाउँ वा खेतबारीमा पसेमा ठूलो क्षति निम्त्याउने पनि स्थानीयको आशंका छ ।