मन्त्रिपरिषद बैठक बस्दै, सार्वजनिक यातायात र हवाई उडानबारे निर्णय हुन सक्ने

१५ असार, काठमाडौं । लकडाउनपछिको अवस्था र समसामयिक राजनीतिक अवस्थाका विषयमा छलफल गर्न मन्त्रिपरिषद् बैठक सोमबार बस्दैछ । अहिले केहीबेरपछि बस्ने बैठकमा सार्वजनिक गाडी र हवाई उडानबारे छलफल हुने सरकारका एक मन्त्रीले जानकारी दिए ।

यसअघि आजै दिउँसो सीएमसीको बैठक पनि बसेको छ । बैठकले दिएको सुझावका आधारमा मन्त्रिपरिषद बैठकले निर्णय गर्ने गरेको छ । पछिल्लो समय निजी गाडी चलेपनि सार्वजनिक गाडी चलेका छैनन । सार्वजनिक गाडी नचल्दा सर्वसाधारणलाई सास्ती भएको छ ।

यस्तै हवाई उडानबारे पनि सरकारले पुनर्विचार गर्ने भएको छ । अन्तराष्ट्रिय उडान तत्कालै सम्भावना नभएपनि आन्तरिक उडान खोल्नेबारे सरकारले निर्णय गर्न सक्ने केही मन्त्रीले बताएका छन ।