थप ४ सय ७६ जनामा कोरोना, संक्रमितको संख्या १३ हजार नाघ्यो

१५ असार, काठमाडौँ । थप ४ सय ७६ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयले दिएको जानकारी अनुसार विभिन्न प्रयोगशालामा गरिएको परीक्षणमा थप ४ सय ७६ जनामा कोरोना संक्रमण पुष्टि भएको हो । यससँगै नेपालमा संक्रमितको संख्या १३ हजार नाघेको छ ।

अहिलेसम्म १३ हजार २ सय ४८ जनामा संक्रमण पुष्टि भएको छ । मन्त्रालयका प्रवक्ता डा. जागेश्वर गौतमले आज थप १ सय २१ जना कोरोना जितेर घर फर्किएका जानकारी दिए । यससँगै नेपालमा कोरोना जितेर घर फर्किनेको संख्या ३ हजार १ सय ३४ पुगेको छ ।