काठमाडौँ उपत्यकाका ८ जनालाई कोरोना पुष्टि !

१५ असार, काठमाडौं । पछिल्लो समय काठमाडौँ उपत्यकामा संक्रमितको संख्या बढ्दै गएको छ । सोमबार मात्रै उपत्यकामा ८ जनालाई कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार काठमाडौंमा ६ जना, ललितपुरमा एक र भक्तपुरमा एक जनालाई संक्रमण पुष्टि भएको मन्त्रालयका प्रवक्ता डा. जागेश्वर गौतमले जानकारी दिए । यसअघि हिजो मात्रै ६ जना, त्यसअघि अस्ति ३ जनालाई संक्रमण भएको थियो ।

संक्रमितको संख्या बढ्दै गएकाले अब बाहिर हिड्दा सुरक्षा सतर्कता अपनाउन गौतमले सुझाव दिएका छन ।