कतार, कुवेत र मलेसियाबाट एकैदिन ६ सय ४ नेपालीको उद्धार

१५ असार, काठमाडौँ । सरकारले आज एकैदिन विदेशबाट ६ सय ४ जना नेपालीको उद्धार गरेको छ । सोमबार कतार, कुवेत र मलेसियाबाट ६ सय ४ जना नेपालीको उद्धार गरिएको क्राइसिस म्यानेजमेन्ट सेन्टर सिमएसीले विज्ञप्तीमार्फत जानकारी दिएको छ ।

कतारबाट १ सय ४८ जना, कुवेतबाट १ सय ३९ जना र मलेसियाबाट २ सय ९६ जनाको उद्धार गरिएको सिएमसीको भनाई छ । मलेसियाबाट दुई फरक विमानमा उनीहरुको उद्धार गरिएको हो । उद्धारका क्रममा कतारबाट १ र मलेसियाबाट दुई गरी तीन वटा शब पनि नेपाल ल्याइएको छ ।