सिरहाबाट २२ हजार बराबरको सुर्ति बरामद   

 १५ असार, सिरहा । भगवनापुर गाउँपालिका-३ स्थित वेवारिसे अवस्थामा रहेको करिब २२ हजार ५ सय मूल्य बराबरको ७५ केजी सुर्ति सोमबार प्रहरीले बरामद गरेको छ ।

प्रहरी चौकी ठाडी सिरहाबाट खटिएको गस्ती टोलीले उक्त सुर्ति फेला पारी बरामद गरेको हो । बरामद सुर्ति आवश्यक अनुसन्धान एवम् कारवाहीको लागि भन्सार कार्यालय ठाडी सिरहा बुझाइएको २ नम्बर प्रदेश प्रहरी कार्यालय जनकपुरधामले जनाएको छ ।