ठूलो झुण्डमा आएको सलहले धान र मकै खाइदियो !

१५ असार, काठमाडौं । ठूलो झुण्डमा भारतबाट आएको सलह कीराले तराईमा धान र मकै खाईदिएको छ । कपिलवस्तु कृषि ज्ञान केन्द्रले सलहका कारण जिल्लाको शिवराज नगरपालिका वडा नम्बर एक र ११ मा धान र मकैमा क्षति पुगेको जनाएको छ ।

नगरको ११ वडाका वडा सदस्य छबिलाल पराजुलीले सलहको ठूलो बथान आएको र यसले मकै र रोपेको खेतमा क्षति पुर्‍याएको जानकारी दिए । सलहले धान र मकै खाएको र त्यसको पूरा विवरण आउन बाँकी छ ।

भारतबाट आएको सलह किरा शुरुमा जंगलमा थियो । जंगलबाट खेतबारीमा प्रवेश गरेको सलहले बालीमा क्षति पुर्याउन थालेको हो ।