दोश्रो बजारमा कोरोना भाइरसको असर न्यून, बजार ६ प्रतिशतले बढ्यो ! प्रतिरोध टेवा कति ?

१६ असार, काठमाडाैं । आज २ बाहेक सम्पूर्ण उपसुचकमा आएको वृद्धिसँगै साताको दोश्रो शेयर बजार कारोवारकाे दिन नेप्से परिसूचकमा ६ प्रतिशतको सर्किट ब्रेक लागेपछि पुरै समय शेयर कारोवार हुन सकेन । आज ट्रेडिङ्ग कम्पनीहरुको उपसुचकमा निकै ठूलो उछाल आएको थियो भने बजारलाई ड्राईभ गर्ने वाणिज्य बैंकको उपसुचकमा पनि ७ प्रतिशत माथिको वृद्धि देखिएको थियो ।

११८७ दशमलव २६ को विन्दुमा खुलेको बजार १२६० दशमवल ७५ को विन्दुमा बन्द भएको थियो । ११८५ दशमलव ७० को न्यून विन्दुसम्म पुगेको बजारको उच्च विन्दु र अन्तिम विन्दु एकै रहेको छ । आजको प्रवृत्तिले भोलीको सुरुवाती सत्रमा निकै आकर्षक खरिदकर्ता आउने विश्लेषण गर्न सकिन्छ । बजारको प्रतिरोध १२८० मा रहेको छ भने हिजोको प्रतिरोध तोडेर आजको बजारले १२०० को विन्दुलाई टेवा बनाएको छ ।

आज बजार बढ्दो प्रवृत्तिमा रहेको छ । आजको मैनबत्तीले “बुलिस मारुबोजु” चित्र बनाएको छ। यसले आज बजारमा माग बढेको संकेत गर्नुका साथै केहि समयसम्म बजार बढ्न सक्ने जानकारी गर्दछ । दैनिकी अवधिमा “आरएसआई” ४१ दशमलब ८० को बिन्दुमा छ। यो अक्सिलेटरले बजारमा क्रेताको चाप हुन थालेको देखिन्छ । “एडिएक्स” तथा जोड- बिजोड “डाइरेक्सनल इन्डेक्स”हरुले बजारमा माग बढ्न थालेको प्रारम्भिक जानकारी गरेको छ। “अन ब्यालेन्स भल्यूम” ले बजारको प्रवृत्तिमा परिवर्तन हुन सक्ने जानकारी गराएको देखिन्दैन ।

नेप्से परिसूचक ६ प्रतिशतले वृद्धि हुँदै बजारको नियमित समय अघि नै शेयर बजार बन्द भएको थियो । नेप्से परिसूचक ७२ अंकले वृद्धि भएर बजार १२६० दशमल ७५ को विन्दुमा बन्द भएको छ। २२ करोड ७२ लाख माथिको शेयर कारोवार हुँदा ४ लाख ८९ हजार कित्ता शेयर किनबेच भएको थियो ।

हिमालयन डिष्ट्रिलरीको सर्वाधिक ३ करोड ६४ लाख बराबरको शेयर खरिदबिक्री हुँदा दोश्रोमा नेपाल लाईफ इन्स्योरेन्सको ३ करोड ५२ लाख बराबरको शेयर खरिदबिक्री भएको थियो।

आज नागरिक लगानीकोष, एशियन लाईफ इन्स्योरेन्स, सूर्या लाईफ इन्स्योरेन्स, नेपाल लाईफ इन्स्योरेन्स, नेशनल लाईफ इन्स्योरेन्सको र शिवम सिमेण्ट्सको बजार मूल्य १० प्रतिशतले वृद्धि भएको छ।

त्यस्तै आज दोश्रो दिनमा पनि नेपाल पुनर्बीमाको शेयर मूल्यले मुनीको सर्किट हानेको छ।  आज दुई कम्पनी नेपाल पुनर्बीमा र ओरियण्टल होटल्सको शेयर मूल्य ९ प्रतिशत धेरै घटेको छ।

नोट : निर्णय लग्नु अघि थप अनुसन्धान गर्न होला !