निर्वाचन आयोगमा एमाले दर्ताका लागि निवेदन, ओलीसँग प्रचण्डको जवाफ माग

१६ असार, काठमाडौं । सत्तारुढ नेकपाका अध्यक्ष पुष्पकमल दाहाल प्रचण्डले स्थायी समिति बैठकमा निर्वाचन आयोगमा नयाँ पार्टी दर्ताका लागि कसले निवेदन दिएको भन्दै गम्भिर प्रश्न गरेका छन । झापाकी सन्ध्या अधिकारीको नेतृत्वमा नयाँ पार्टी दर्ताका लागि निर्वाचन आयोगमा निवेदन पुगेको भन्दै प्रचण्डले ओलीसँग जवाफ माग गरेका हुन् ।

स्थायी समिति बैठकमा प्रचण्डले फेरि नेकपा फुटाउने संकेत देखिएको भन्दै नयाँ पार्टी दर्ताबारे ओलीसँग जवाफ माग गरेको पार्टी प्रवक्ता नारायणकाजी श्रेष्ठले जानकारी दिए । राजीनामा दिनुको साटो ओलीले यसलाई पार्टी फुटाउने तयारीका रुपमा प्रचण्डले बुझेका छन् ।

प्रवक्ता श्रेष्ठका अनुसार झापाकी सन्ध्या अधिकारीको नेतृत्वमा निर्वाचन आयोगमा नेकपा एमाले पार्टी दर्ताका लागि निवेदन परेको छ । यो ओलीकै निर्देशनमा पार्टी दर्ताको प्रक्रिया अगाडी बढेको नेकपाका अध्यक्ष प्रचण्ड लगायतका नेताहरुको दाबी छ ।

जसलाई प्रधानमन्त्री तथा नेकपाका अध्यक्ष ओलीले अस्वीकार गरेका छन् ।