खेत जोत्ने क्रममा ट्याक्टरमा च्यापिएर एक जनाकाे मृत्यु

◊ धीरुभाइ

१७ असार सप्तरी । सप्तरीको राजगढ गाउँपालिका ४ बेलही चपेनामा आफैले चलाएको ट्याक्टरमा च्यापिएर एक जनाकाे मृत्यु भएको छ । स्थानीय ३० वर्षीय अनिलकुमार मण्डलको मृत्यु भएको जिल्ला प्रहरी कार्यालय सप्तरीका प्रवक्ता प्रहरी नायब उपरीक्षक तिलक भारतीले जानकारी दिए ।

बिहान घरदेखि करिब पाँच सय मिटर दुरीमा आफ्नै स १ त ५८७६ नम्बरको ट्याक्टर चलाएर खेत जोत्ने क्रममा अनियन्त्रित भएर पल्टिदा च्यापिएर उनको मृत्यु भएको बताइएकोछ ।  मृतक मण्डल ट्याक्टरधनी घनश्याम मण्डलका छोरा रहेको उनका आफन्त गजेन्द्र प्रसाद मण्डलले जानकारी दिए ।

खेत जोत्ने क्रममा ट्याक्टर हिलोमा फसेको कारण जोडले चलाउदा अनियन्त्रित भइ पल्टिएको उनले जानकारी दिए । ट्याक्टर हिलोमा फसेको कारण चालक खाना खाएर घर गएको बेला मण्डलले ट्याक्टर निकाल्न लाग्दा दुर्घटना भएको उनको कथन छ ।

राजविराज स्थित गजेन्द्र नारायण सिंह अस्पतालमा मृतक मण्डलको शव परीक्षण गरी आफन्तजनको जिम्मा लगाएको प्रहरीले बताएको छ