सामान्य छलफलपछि नेकपाको स्थायी कमिटी बैठक स्थगित

१७ असार, काठमाडौं । प्रधानमन्त्री केपी शर्मा ओलीको राजीनामा माग चर्केका बेला नेकपाको स्थायी कमिटी बैठक सामान्य छलफलमै स्थगित भएको छ । निर्धारित समयभन्दा डेढ घण्टा ढिलो शुरु भएको बैठकमा आज ५ जना नेताहरुले मात्रै धारणा राखेका छन ।

यसअघि हिजो १८ जना नेताहरुले धारणा राखेका थिए । आजको बैठकमा लीलामणि पोखरेल, योगेश भट्टराई, मातृका यादव, एनके प्रसाईं र पेशल खतिवडाले आफ्नो धारणा राखेपछि बैठक स्थगित गरिएको प्रधानमन्त्री केपी शर्मा ओलीका प्रेस सल्लाहकार सुर्य थापाले जानकारी दिए ।

बैठकमा मदन जयन्तीका अवसरमा असार १४ गते प्रधानमन्त्री ओलीले राखेको धारणाका विषयमा छलफल, निर्वाचन आयोगमा दर्ता हुन लागेको नयाँ दलका विषयमा नेताहरुले बोलेका थिए । सामान्य छलफलपछि भोलि बिहान ११ बजे फेरि बस्ने गरी बैठक स्थगित भएको प्रधानमन्त्रीका प्रेस सल्लाहकार थापाले बताए ।