यी हुन निर्वाचन आयोगमा नेकपा एमाले पार्टी दर्ता गर्ने नेताहरु

१७ असार, काठमाडौं । प्रधानमन्त्री तथा नेकपाका अध्यक्ष केपी शर्मा ओलीको निर्देशनमा नेकपा एमाले पार्टी निर्वाचन आयोगमा दर्ता हुन लागेको पार्टीको रहस्य खुल्दै जान थालेको छ । सन्ध्या तिवारीको अध्यक्षतामा गठन हुन लागेको पार्टीमा धेरैजसो नयाँ मान्छे केन्द्रिय सदस्य देखिएका छन ।

यसअघि खासै चर्चामा नआएका नेताहरुले पार्टी निर्वाचन आयोगमा दर्ता गर्न लागेको पनि देखिएको छ । साथै प्रधानमन्त्री ओलीकै गृहजिल्लाकी भनिएकी तिवारी मोरङकी स्थायी ठेगाना भएको निर्वाचन आयोगमा दल दर्ताका लागि दिइएको निवेदनमा उल्लेख छ ।

मोरङको विराटनगर महानगरपालिका–६ की तिवारीको अध्यक्षतामा दर्ता हुने लागेको नेकपा एमालेको २१ सदस्यीय केन्द्रीय समिति छ । पूर्व एमालेभन्दा फरक चुनाव चिन्ह राख्ने भनेको एमालेको महासचिवमा मनिष कुमार उपाध्याय छन । यस्तै उपाध्यक्षमा भगवती खड्का र सचिवमा सन्ध्या सुनार छन ।

२१ सदस्यीय केन्द्रिय समितिमा कोही पनि चिनिएका अर्थात चर्चित नेता छैनन् । यसले पनि उनीहरु पूर्व एमाले रहेको तर असन्तुष्टहरुले नयाँ पार्टी खोल्न लागेको देखिन्छ । यही नयाँ पार्टी दर्ताको कुराले हिजोको स्थायी कमिटी बैठकमा प्रधानमन्त्री ओलीको राजीनामा माग चर्केको थियो ।