गंगालालमा मुटु जचाँएर फर्किए प्रधानमन्त्री ओली

१७ असार, काठमाडौँ । मुटुमा केही समस्या देखिएपछि प्रधानमन्त्री केपी शर्मा ओली बाँसबारीस्थित शहीद गंगालाल राष्ट्रिय हृदय रोग केन्द्रमा मुटुको जाँच गराएर फर्किएका छन् ।

प्रधानमन्त्रीले नियमित जाँच भनिएपनि पछिल्लो दुई दिनयता धपेडी बढ्दा उनी बिरामी भएको आशंका गरिएको छ । तर जाँचका क्रममा अवस्था सामान्य रहेको प्रधानमन्त्रीका प्रेस सल्लाहकार सूर्य थापाले जानकारी दिए । उनका अनुसार मंगलबार र बुधबारको स्थायी समिति बैठकपछि ओलीमा धपेडी बढेको थियो ।

फागुनमा दोस्रोपटक मृगौला प्रत्यारोपण गरेपछि प्रधानमन्त्री ओली बेला बेला स्वास्थ्य जाँच गराउदै आएका छन ।