झम्सीखेलमा प्रचण्ड र माधव नेपाल पक्षको छुट्टै भेला !

१७ असार, काठमाडौं । प्रधानमन्त्री केपी शर्मा ओलीलाई राजीनामा दिन बाध्य पार्ने नेकपाका अर्का अध्यक्ष पुष्पकमल दाहाल प्रचण्ड र वरिष्ठ नेता माधव कुमार नेपालबीचको छुट्टै भेला झम्सीखेलमा शुरु भएको छ ।

झम्सीखेलको एक रेष्टुरेन्टमा चलिरहेको भेलामा प्रचण्ड, माधव नेपाल, झलनाथ खनाल, बामदेव गौतम लगायतका नेताहरु सहभागी भएका बताइन्छ । भेलामा प्रचण्ड र माधव निकट मन्त्री, स्थायी कमिटी सदस्य र केही नेताहरु पनि छन ।

बुधबार बिहान बालुवाटारमा ओलीले आफ्नो गुटको भेला गरेका थिए । जवाफमा प्रचण्ड र माधव नेपालले झम्सीखेलमा छुट्टै भेला बेलाएका हुन । यसले नेकपाभित्रको आन्तरिक विवाद झन उत्कर्षमा पुग्ने अनुमान छ । झम्सीखेल भेलामा गृहमन्त्री रामबहादुर थापा बादल पनि सहभागी छन । यसअघि उनी ओलीको कित्तामा उभिने गरेका थिए ।