भारतसँग प्रधानमन्त्री ओलीको सम्बन्ध सुधार्न राष्ट्रपति नै सक्रिय !
इन्द्र रिजाल
असार १८, २०७७ बिहिबार १९:३७:४१
१८ असार, काठमाडौं । पछिल्ला दिन प्रधानमन्त्री केपी ओलीको शीतल निवास आवतजावत बाक्लो भएको छ । पार्टी भित्रको आन्तरिक द्वन्द्व चर्किएका बेला ओली राष्ट्रपति विद्यादेवी भण्डारीसँग दिनको दुईपटकसम्म भेट्न थालेपछि ‘दाल में कुछ काला हैं’ ठान्नु स्वभाविक हो ।
तर प्रधानमन्त्री ओलीको पछिल्लो भेटघाट चाहिं भारतसँगको सम्बन्ध सुधार्न नयाँ प्रयोगका लागि भएको पाइएको छ ।ओलीले आफूलाई हटाउन भारत लागिपरेको अभिव्यक्ति दिएपछि त्यसले आन्तरिक रुपमा मात्र नभई अन्तर्राष्ट्रिय जगतमा समेत भूँइचालो ल्याएको छ । ओलीको उक्त भनाईलाई भारतीय पक्षले बढो गम्भिर र आपत्तिजनक मानेको छ । त्यसैले अब ओलीलाई कुुनै पनि हालतमा नसघाउने पक्षमा भारत रहेको संकेत गरिसकेको छ ।
यो परिवेशमा ओली अझै आत्तिएका छन् । पार्टीभित्र पनि आफ्नो अभिव्यक्तिले खैलाबैला मच्चाएकाले उनी भारतसँग सुलह गरेर जाने पक्षमा पुगेका छन् । त्यसको लागि संयोजन गर्ने काम राष्ट्रपति भण्डारीमार्फत गराएका छन् । स्रोतका अनुसार , भारतसँग सम्बन्ध सुधार गर्न अहिले राष्ट्रपति आफैं सक्रिय भएकी छन् । राजनीति भन्दा माथि रहने आलंकारिक राष्ट्रपति नै अहिले खुलेआम यो काममा सक्रिय भएको बुझिएको छ ।
राष्ट्रपति भण्डारी र नेपालका लागि भारतीय राजदूत बिनयमोहन क्वात्रा अहिले यो अभियानमा सक्रिय रहेको स्रोतको भनाई छ । हरेक दिन एकपटक वा दुई पटकसम्म राष्ट्रपति भण्डारी र राजदूत क्वात्राबीच प्रत्यक्ष कुरा हुने गरेको समाचार स्रोतको दावी छ । जसरी भएपनि भारतसँग सम्बन्ध सुधार गर्न ओलीलाई आतुरी परेको देखिन्छ । पार्टी भित्रको अन्तर्द्धन्द अझै चर्कने खतरा बढेपछि ओलीले आफ्नो राजनीतिक भविष्य सुरक्षित राख्न भारतको शरण पर्ने निक्र्याेल निकालेका हुन् । यही कारण प्रधानमन्त्री ओली दिनको दुईपटक पनि राष्ट्रपतिलाई भेट्न जाने गरेको स्रोतको भनाई छ ।
त्यसको बीजारोपण उनले गरिसकेका छन् ।गत सोमबार निर्वाचन आयोगमा दर्ता भएको नेकपा एमाले उनकै छत्रछायाँमा छ । नेकपाभित्र शक्ति संघर्ष तीब्र भएपछि ओलीले आफु निकट नेताहरुलाई यो काममा सक्रिय गराए । त्यसका लागि निर्वाचन आयोगका प्रमुख आयुक्त दिनेशकुमार थपलियालाई परिचालन गरियो । कानून मन्त्रालयका सचिव र आफ्ना कानूनी सल्लाहकारमार्फत ओलीले नेकपा एमाले दर्ता गराएको बताइएको छ ।
अरुलाई यो कामको जिम्मा दिँदा सूचना चुहिने डरले ओलीले यस्तो संवेदनशील विषयमा राष्ट्रपति जस्तो गरिमामय पदको दुरुपयोग गरेका हुन् । यसअघि प्रधानमन्त्री ओलीले आफ्ना प्रिय पात्र गोकुल बाँस्कोटालाई भारतीय दुतावासमा पठाउने गरेको समाचार सार्वजनिक भएको थियो । नेपालका लागि भारतीय राजदूत क्वात्राको हैसियत साउथ ब्लकमा सामान्य कर्मचारी भन्दा राजनीतिकर्मीकै रुपमा रहेको स्रोत बताउँछ । उनी मन्त्री सरहको हैसियतमा नेपालको राजदूत बनेको बताइएको छ । साथै, क्वात्राले गरेको निर्णयलाई साउथ ब्लकले लगभग स्वीकार गर्ने संकेत गरेकाले राष्ट्रपतिमार्फत सम्वाद अगाडि बढाइएको उनी बताउँछन् ।
प्रधानमन्त्रीले अरुलाई विश्वास नगरेकाले नै यो काम राष्ट्रपतिमार्फत गराइएको हो भन्दै स्रोतले कुनै बिषयमा कन्फ्युज भएको अवस्थामा प्रष्ट्याउन ओली पटक पटक शीतल निवास धाउने गरेको बताए । साथै, कुटनीतिक अपरिपक्वता र हतास मनस्थितिले गर्दा ओली आफ्नै बोलीको बन्दी हुन पुगेका छन् । भारतले सरकार ढाल्न लागेको र त्यसमा आफ्नै दलका नेताहरुको समेत साथ र समर्थन रहेको अभिव्यक्ति दिएपछि ओली झनै ठूलो भड्कालोमा जाकिएका छन् ।
यही विषयलाई लिएर जारी स्थायी कमिटी बैठकमा नेताहरुले ओलीको झाँको झारेका छन् । साथै, पार्टी अध्यक्ष र प्रधानमन्त्री दुबै पदबाट राजीनामा गर्नसमेत दबाब बढाएका छन् । त्यसैले आफ्नो राजनीतिक भविष्य ठूलो संकटमा पर्ने भेउ पाएका ओलीले भारतको साथ लिएर फेरि पनि सत्ता टिकाउने अभियान थालेका हुन् । त्यसैको एउटा कडीका रुपमा अहिले यो प्रकरण अगाडि बढिरहेको छ ।
कांग्रेससँग गठबन्धन बनाएर आधा समय ओलीले शासन गर्ने र बाँकी आधा समय देउवालाई प्रधानमन्त्रीमा समर्थन गर्ने सहमति गर्ने तयारी समेत भइरहेको दाबी स्रोतले गरेको छ । नेकपाले ओलीलाई कारबाही गरेको अवस्थामा पार्टी फुट्ने निश्चित रहेको पनि ओली निकट एक नेताले बताए । त्यस्तो अवस्था आएको खण्डमा नेकपा एमाले पुर्नस्थापित हुने छ ।जसको अध्यक्ष ओली नै हुने गरी तयारी भएको बुझिएको छ ।
नेकपाले ओलीलाई राजीनामा गर्न निर्देशन दिने बलियो सम्भावना देखिएको छ । यो परिस्थितिमा ओलीले आफूलाई सुरक्षित राख्न विभिन्न दाउ चालेका छन् । त्यसमध्येको एउटा दाउ हो– पार्टी विभाजन । त्यसको बीजारोपण उनले गरिसकेका छन् ।गत सोमबार निर्वाचन आयोगमा दर्ता भएको नेकपा एमाले उनकै छत्रछायाँमा छ । नेकपाभित्र शक्ति संघर्ष तीब्र भएपछि ओलीले आफु निकट नेताहरुलाई यो काममा सक्रिय गराए । त्यसका लागि निर्वाचन आयोगका प्रमुख आयुक्त दिनेशकुमार थपलियालाई परिचालन गरियो । कानून मन्त्रालयका सचिव र आफ्ना कानूनी सल्लाहकारमार्फत ओलीले नेकपा एमाले दर्ता गराएको बताइएको छ ।
कदाचित पार्टीले कारवाही गरी प्रधानमन्त्रीबाट हटाउन खोजे त्यही नेकपा व्युँताएर जाने उनको रणनीति रहेको छ । यस्तो अवस्था आएमा भारतको साथ लिएर मधेशवादी दलसहित नेपाली कांग्रेससँग गठबन्धन बनाउने ओलीको तयारी रहेको पनि बालुवाटार निकट स्रोतले बताएको छ । त्यसैले ओलीले अहिले नेपाली कांग्रेसका सभापति शेरबहादुर देउवासँग घनिभूत छलफल गरिरहेका छन् । यस प्रयोजनका लागि कांग्रेस नेता शेखर कोइराला र डा. मिनेन्द्र रिजालसँग पनि ओलीले चरणबद्ध छलफल गरेको स्रोतको दाबी छ ।
कांग्रेससँग गठबन्धन बनाएर आधा समय ओलीले शासन गर्ने र बाँकी आधा समय देउवालाई प्रधानमन्त्रीमा समर्थन गर्ने सहमति गर्ने तयारी समेत भइरहेको दाबी स्रोतले गरेको छ । नेकपाले ओलीलाई कारबाही गरेको अवस्थामा पार्टी फुट्ने निश्चित रहेको पनि ओली निकट एक नेताले बताए । त्यस्तो अवस्था आएको खण्डमा नेकपा एमाले पुर्नस्थापित हुने छ ।जसको अध्यक्ष ओली नै हुने गरी तयारी भएको बुझिएको छ ।
नेकपा त्यागेर नेकपा एमाले पुर्नस्थापना भइसकेको अवस्थामा झलनाथ खनाल र माधवकुमार नेपाललाई पनि पूर्व माओवादी नेता पुष्पकमल दाहाल प्रचण्डको नेतृत्वमा रहन नैतिक संकट पर्ने ठम्याई ती नेताको रहेको छ । यस्तो परिस्थिति निर्माण भयो भने फेरि पुरानो नेकपा एमाले र नेकपा माओवादीको पुर्नस्थापना हुनेछ– उनले भने ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
युएईसँग हारेसँगै नेपाल एशिया कपमा छनौट हुन असफल
बैशाख ७, २०८१ शुक्रबार
गोदावरीमा एमाले महाधिवेशन प्रतिनिधि परिषद्को बैठक, ओलीले पेश गरे राजनीतिक प्रतिवेदन
बैशाख ८, २०८१ शनिबार
दामदार र आर्थिक चलखेल हुने विभागमा एमाले र माओवादीको तानातान, समय नपुग्दै सरुवा
बैशाख ८, २०८१ शनिबार
मुख्यमन्त्री अधिकारीले दिए गण्डकीमा चुमान र मनाङेलाई जिम्मेवारी
बैशाख ८, २०८१ शनिबार
सडक बालबालिकाः पहिचान पाउन अझै पनि कठिन
बैशाख ८, २०८१ शनिबार
भेरी नदी माथि बनेको पुल र आसपासको दृश्य
बैशाख ८, २०८१ शनिबार