अधिवेशन अन्त्य गर्ने निर्णयले नेकपामा आयो भूइँचालो
नेपालबहस संवाददाता
असार १८, २०७७ बिहिबार २०:३४:९
१८ असार, काठमाडौं । आज बसेको मन्त्रिपरिषद बैठकले संसद्को चालु अधिबेशन अन्त्य गर्न राष्ट्रपति समक्ष सिफारिश गरेपछि नेकपाका शीर्ष नेताहरु हच्किएका छन् । जारी स्थायी कमिटी बैठकले प्रधानमन्त्री केपी ओलीको राजीनामा माग्ने औपचारिक निर्णय गर्ने हल्ला चलेकै बेला सरकारले संसद् अधिवेशन अन्त्य गर्न सिफारिश गरेपछि हल्लीखल्ली मच्चिएको हो ।
आज बिहान ११ बजेका लागि स्थायी कमिटी बैठक राखिएको थियो । तर अचानक बिहान साढे १० बजे प्रधानमन्त्री ओली राष्ट्रपति निवास पुगेको र १२ बजे मन्त्रिपरिषद बैठक डाकेको खबर शीर्ष नेताहरुले चाल पाए । ओलीले अर्का अध्यक्ष पुष्पकमल दाहाल प्रचण्डलाई स्थायी कमिटी बैठक जारी राख्न आग्रह गर्दै आफू मन्त्रिपरिषद बैठकका लागि व्यस्त भएको जानकारी गराएका थिए ।
स्थायी कमिटीमा नेताहरु आफ्नो धारणा राख्दै हुनुहुन्थ्यो, कसैले माधव काम्रेड ( माधवकुमार नेपाल ) लाई फोन गरेर संसद् अधिवेशन अन्त्य गर्ने निर्णय भएको जानकारी दियो– बैठकमा सहभागी एक जना नेताले भने । लगत्तै नेपालले यो जानकारी बैठकलाई गराए । अनि एक्कासी किन र कसरी यस्तो निर्णयमा ओली पुगे भनेर शीर्ष नेताहरु घोत्लिए । त्यसपछि स्थायी कमिटी स्थगित गरेर शीर्ष नेताहरु छलफलमा जुटे ।
प्रचण्डले उर्जा मन्त्री बर्षामान पुनलाई बोलाएर सोधे । उनले पनि कुनै प्रस्ताव नराखी बैठक बोलाइएको जानकारी दिंदै भने– बैठक सुरु भएपछि प्रधानमन्त्रीले कानून मन्त्रीलाई संसद्मा के बिजनेश छ त ? भनेर प्रश्न राख्नु भयो । कानून मन्त्री शिवमाया तुम्बाहाम्फेले खासै बिजनेस नरहेको जानकारी दिएपछि ओलीले त्यसो भए संसद्को चालू अधिबेशन आजै साँझबाट अन्त्य गर्ने निर्णय गरौं भन्दै बैठक सकिएको मन्त्री पुनले बताए ।
त्यसपछि शीर्ष नेताहरु झनै सशंकित भए । स्थायी कमिटी बैठक जारी रहँदा पार्टी अध्यक्ष एवं प्रधानमन्त्रीले एक बचन नसोधी अधिवेशन अन्त्य गर्नुका पछाडि राजनीतिक स्वार्थ लुकेको निश्कर्ष निकाले । अनि सबैले प्रचण्डलाई बिकसित पछिल्लो अवस्थाबारे ओलीसँग छलफल गरेर मात्रै स्थायी कमिटी बैठक सुचारु गर्न सुझाब दिएका थिए । सोही बमोजिम अहिले दुबै अध्यक्ष छलफलमा जुटेका छन् ।
राजनीतिक परिस्थिति कता जाने हो भन्न कठिन छ – एक स्थायी कमिटी सदस्यले भने । समयमै बुद्धि पुगेन भने नेकपा अब सग्लो रहन मुश्किल भइसक्यो भन्दै उनले ओलीलाई एक्लो पारेर प्रहार गर्न खोज्दा ठूलै दुर्घटना हुन सक्ने चेतावनी दिए । संसद् अधिवेशन अन्त्य गरी आफूलाई अनुकुल हुने अध्यादेश ल्याउन ओली तयार रहेको धेरैको अनुमान छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
राहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
आज प्रचार प्रसारको अन्तिम दिन, इलाममा कांग्रेसको ४२ वटै वडामा घरदैलो
बैशाख १२, २०८१ बुधबार
मोहन्यालमा नौ वटा सिँचाइ योजनाको काम सुरु
बैशाख १२, २०८१ बुधबार
‘गोरखा भूकम्प’ स्मृति दिवसका अवसरमा आज सार्वजनिक बिदा
बैशाख १२, २०८१ बुधबार
हिमालय हाइड्रो एक्स्पोको पहिलो दिनको उपलक्ष्यमा ईभी र्यालि [ फोटोफिचर ]
बैशाख १२, २०८१ बुधबार
बजारमा सुनचाँदीको मूल्य बढ्यो, प्रतितोला कति ?
बैशाख १२, २०८१ बुधबार
जारी आईपीएलमा अहिलेसम्म ९ शतक प्रहार, को-कसले बनाए ?
बैशाख १२, २०८१ बुधबार