फेरि अध्यादेश ल्याउदै ओली, नेकपा फुट्ने संकेत !

१८ असार, काठमाडौं । पार्टी फुटाएर भएपनि पद जोगाउन प्रधानमन्त्री केपी शर्मा ओलीले दल विभाजन सम्बन्धि अध्यादेश ल्याउने तयारी गरेका छन् । यसअघि सो अध्यादेश ल्याउँदा नै प्रधानमन्त्री ओलीले राजीनामाको सामाना गर्नुपरेको थियो ।

माधव नेपाल र प्रचण्डले जसरी पनि हटाउन खोजेपछि प्रधानमन्त्री ओलीले अध्यादेश ल्याउने तयारी गरेकाे बालुवाटार स्रोतले जनाएको छ । संसद बन्द गरिसकेको अवस्थामा अध्यादेश राष्ट्रपतिबाट प्रमाणीकरण गर्नेवित्तिकै लागु हुने भएकाले नेकपा फुटाएर फेरि एमाले बनाएर सत्ता लम्ब्याउन सकिने ओलीको तयारी छ ।

संविधानत पार्टी फुट्न केन्द्रीय समिति र संसदीय दलमा ४० प्रतिशत संख्या पु¥याउनु पर्ने अनिर्वाय व्यवस्था छ । तर ओलीले आफुलाई सहज हुने गरि ल्याउन लागेको दल विभाजन सम्बन्धि अध्यादेशमा दुईमध्ये कुनै एकमा ४० प्रतिशत भए पुग्ने व्यवस्था गरिएको छ । किनभने नेकपामा ओलीको संसदीय दलमा मात्र ४० प्रतिशत भन्दा बढी भएपनि केन्द्रीय समितिमा भने ४० प्रतिशत पनि नपुग्ने अवस्था बिद्यमान छ । सोही कारण ओली यसअघि एकपटक ल्याएर असफल बनेको अध्यादेश फेरि ल्याएर आवश्यक परे पार्टी फुटाएरै छाड्ने तयारीमा लागेका छन् ।

जुन ओलीका लागि अर्को घातक हुने प्रचण्ड र माधव नेपालको बुझाई छ । तत्काल राजीनामा नदिने, नेताहरुलाई मनाउने प्रयास गर्ने, बरु पार्टी अध्यक्ष पद छाड्ने तर प्रधानमन्त्री नछाड्ने र यति गर्दा पनि दुबै पदबाट हटाउन खोजे नेकपा फुटाउने ओलीको अन्तिम तयारी हो । यसका लागि कानुनी बाटो खोल्न ओली अध्यादेश ल्याउने निष्कर्षमा पुगेका हुन । जसकारण उनी अझै डेढ बर्ष प्रधानमन्त्री भइराखेर नयाँ चुनावमा फेरि बहुमत ल्याउने पक्षमा अडिग बन्न चाहन्छन । तर दुईदेखि तीनदिनसम्म केही नगरी नेताहरुको गतिविधि र सकेसम्म मनाउने प्रयास गर्ने ओलीको योजना छ ।

यदि आफ्ना कुरा नसुनी प्रचण्ड र माधव नेपाल मिलेर हटाईहालेमा पार्टी फुटाउने ओलीको योजना हो । नेकपाका केही नेता, स्थायी कमिटी सदस्य र नेताहरु पनि प्रधानमन्त्री पद छाड्नुपर्ने अवस्था आए पार्टी फुटाउने ओलीको योजनामा सहमत छन । जसले ओली हौसिएका छन ।