कोरोनाले काठमाडौंमा बृद्धको मृत्यु, मृत्तकको संख्या ३२ पुग्यो

१९ असार, काठमाडौं । कोरोना भाइरसले काठमाडौंमा एक बृद्धको मृत्यु भएको छ । काठमाडौं बानेश्वर बस्ने ८५ बर्षीय बृद्धको उपचारका क्रममा बुधबार मृत्यु भएको थियो । उच्चरक्तचाप, मधुमेह लगायत विभिन्न समस्या रहेका ती पुरुषको उपचारका क्रममा मृत्यु भएपछि स्वाब संकलन गरिएको थियो ।

शुक्रबार उनको रिर्पोट पोजेटिभ आएको स्वास्थ्य तथा जनसंख्या मन्त्रालयले जनाएको छ । यससँगै नेपालमा कोरोनाबाट मृत्यु हुनेको संख्या ३२ पुगेको मन्त्रालयका प्रवक्ता जागेश्वर गौतमले जानकारी दिए ।