साधना लघुवित्तको आईपीओ आजबाट, तर कति कित्ता आवेदन दिँदा उत्तम ?

२१ असार, काठमाडौं । आजबाट साधना लघुवित्तले आईपीओ निष्काशन गर्दै छ। आवेदन असार २१ गतेदेखि असार २४ गतेसम्म दिन मिल्ने छ। ४ दिनभित्र मेरो शेयर अथवा सीआआरएन नम्बर लिएको बैंकबाट फर्म भरेर आवेदन दिनु पर्ने छ।

साधना लघुवित्तले ७ लाख ७ हजार ८ सय कित्ता आईपीओ निष्कासन गर्न लागेकोमा कर्मचारीहरुको र सामुहिक लगानी कोषको लागि शेयर छुट्टाएपछि बाँकी रहेको ६ लाख ६१ हजार ५ सय २० कित्ताको लागि मात्र सर्वसाधारणले आवेदन दिन सक्ने छन् ।

तर बाडँफाँड नीति अनुसार दश कित्ता दिँदै जानु पर्ने भएकाले ६६ हजार १ सय ५२ जनाले मात्र दश कित्ता शेयर पाउने छन् । ४ लाख माथि आवेदन पर्ने थालेको हाम्रो प्राथमिक बजारमा साधना लघुवित्तमा ६६ हजार १ सय ५२ लगानीकर्ता बाहेक सबै निराश हुनु पर्ने देखिन्छ । त्यसैले दश कित्ता शेयर आवेदन दिनु नै उपयुक्त विकल्प देखिन्छ।