ओलीको फण्डाले निम्त्याएको धर्मसंकट

२१ असार, काठमाडौं । नेकपा अध्यक्षसमेत रहेका प्रधानमन्त्री केपी ओली राजनीतिक रुपमा बलियो रहन विचित्रका फण्डा तयार गर्न माहिर छन् । यति ज्ञान नेपाली राजनीतिका खेलाडीहरुलाई थाहै छ । अझ उनकै सहयात्रीहरु त यसबारे राम्रै ज्ञान राख्छन् । तर यसपाला भने ओलीले फालेको फण्डाले समग्र राजनीति नै उल्टो दिशामा हिंडाईएको छ ।

पूर्व माओवादीसँगको पार्टी एकतापछि पुष्पकमल दाहाल प्रचण्डको साथ लिएर आफ्ना सहकर्मी नेताहरुको हुर्मत लिन उद्यत् ओली विस्तारै कमजोर बनेका थिए । प्रचण्डसँगको सत्ता संघर्षले उत्कर्ष रुप धारण गरेपछि पूर्व एमालेकै माधवकुमार नेपाल र झलनाथ खनालहरु ओलीलाई ठेगान लगाइन्छ भनेर ढुक्क थिए । परिस्थिति त्यही दिशामा उन्मुुख पनि थियो । ओली सबैतिरबाट एक्लिंदै गएको अवस्था बन्यो । पार्टीका हरेक संयन्त्रमा ओली रक्षात्मक अवस्थामा धकेलिए ।

विषयले नयाँ मोड लिएको छ । अब जे सहमति हुन्छ,त्यो फेरि ओली र प्रचण्डकै चोचोमोचो मिलाएर हुने हो । जहाँ माधव झलनाथ केवल रमिते मात्र हुुने छन् । साक्षी किनाराको सदर । माधव झलनाथले सोचेका थिए– ओलीको विकल्पमा हामी हौं । सुरुका दिनमा त्यस्तै नै देखियो । तर जब फलाम तात्तियो, घन हाल्ने बेलामा चाहिं प्रचण्ड अग्रसर भए । प्रचण्डले विगतमा प्रधानमन्त्री पद आधा आधा चलाउने सहमति नै छलफलको विषय बनाइदिए । कताको कुरो पुग्यो कता ।

यति भइसक्दा माधव झलनाथको धोको पूरा हुने अनुमान गरियो । जारी स्थायी कमिटीले ओलीलाई दुुबै पदबाट राजीनामा गर्न निर्देशन दिने वातावरण लगभग तयार भइसकेको थियो । तर बीचैमा ओलीले नयाँ फण्डा तयार गरिदिए । जसले गर्दा अहिलेसम्म तयार भएको सबै प्लट भताभुंग भयो ।

माधव झलनाथलाई लागेको थियो– नयाँ परिवेशले ओली गल्ने र सत्ताको साँचो पूर्व एमाले नेतृत्वमै आउने छ । तर परिस्थितिले भने कोल्टे फे¥यो । अहिलेको झगडाको कारण र निकास अर्काे दिशामा फर्कियो । ओली विरुद्ध प्रचण्ड । अहिलेको लडाईं फेरि ओली र प्रचण्डकै बीच अगाडि बढेको छ । दुई नेताहरु पटक पटक छलफलमा जुटेका छन् ।

विषयले नयाँ मोड लिएको छ । अब जे सहमति हुन्छ,त्यो फेरि ओली र प्रचण्डकै चोचोमोचो मिलाएर हुने हो । जहाँ माधव झलनाथ केवल रमिते मात्र हुुने छन् । साक्षी किनाराको सदर । माधव झलनाथले सोचेका थिए– ओलीको विकल्पमा हामी हौं । सुरुका दिनमा त्यस्तै नै देखियो । तर जब फलाम तात्तियो, घन हाल्ने बेलामा चाहिं प्रचण्ड अग्रसर भए । प्रचण्डले विगतमा प्रधानमन्त्री पद आधा आधा चलाउने सहमति नै छलफलको विषय बनाइदिए । कताको कुरो पुग्यो कता ।

अहिले एउटा खेमाबाट ओली र अर्काे खेमाबाट प्रचण्डबीच घनिभूत वार्ता भइरहेका छन् । वार्ता छलफलको केन्द्रीय विषय पनि शक्ति बाँडफाँडमै छ । हिजो शक्ति माधव वा झलनाथसँग शेयर गर्नेतर्फ लक्षित परिवेश अहिले ठीक उल्टो दिशामा बढेको छ । अर्थात, अब पावर शेयरिङ हुँदा फेरि ओली र प्रचण्डकै बीचमा हुने अवस्था आयो ।  त्यसैले गर्दा यो प्रकृयाबाट माधव झलनाथले केही प्राप्ति गर्ने अवस्था पनि छैन । मात्र प्रचण्डको भरिया बन्ने अवस्था बन्दैछ ।

हिजो प्रचण्डको बुई चढेर ओलीको सत्ता हत्याउने माधव झलनाथको तयारी यतिखेर आएर भुुत्ते बनेको छ । आज पनि दुबै अध्यक्षबीच वार्ता भयो । वार्तामा साक्षीसमेत राखियो । त्यहाँ ओली र प्रचण्डकै विश्वास पात्र मात्र सहभागी थिए । दुुई अध्यक्षबीच भइरहेको वार्ताको अजेण्डा पनि सत्ता प्राप्तिमै छ । त्यहाँ न त माधवको प्रतिनिधि सहभागी छन् न झलनाथकै । त्यसैले जे सहमति हुन्छ ओली र प्रचण्डकै हितका लागि मात्रै हुने हो ।

नसोचेको दिशामा राजनीतिक कोर्ष अगाडि बढेपछि माधव झलनाथ समूह पनि बिखलबन्दमा परेको छ । दुई अध्यक्षले परिबन्ध बनाएर आफ्ना लागि बार्गेनिङको अवसर बनाए । जसले गर्दा माधव र झलनाथका लागि आकासको फल आँखा तरी मर जस्तो भएको छ । कदाचित पार्टी विभाजनको अवस्था आयो भने कसरी फेस गर्ने भन्नेमा पनि माधव झलनाथलाई द्विविधा थपिएको छ । प्रधानमन्त्री ओलीले हिजै आफ्ना क्याबिनेट सदस्यलाई भनिसके– परिस्थिति गम्भिर छ, अब कित्ता छान्नुहोस् । एउटा कित्ताको नेतृत्व ओलीले गर्ने र अर्काको प्रचण्डले ।

यस्तो अवस्थामा माधव झलनाथ लगायत पूर्व एमाले पक्षधरले कुन नेतृत्व छान्ने ? माधव र झलनाथले अब ओलीलाई छाडेर प्रचण्डलाई नेता मान्ने ? बढो गम्भिर अवस्था छ । यो अस्त्रले ओलीलाई ठूलो बल पुुग्ने लख काटिएको छ । ओलीले बुझेरै यो चाल चलेका हुन् । या त मसँग हिंड या प्रचण्डसँग सती जाउ । बडाे धर्मसंकटको अवस्था छ ।