आज थप २९३ जनामा कोरोना संक्रमण

२१ असार, काठमाडौं । नेपालमा थप २ सय ९३ जनामा संक्रमण भएको छ । स्वास्थ्य तथा जनसंख्या मन्त्रालयका अनुसार पछिल्लो चौबिस घण्टामा २ सय ९३ जनामा कोरोना संक्रमण पुष्टि भएको हो ।

नयाँ संक्रमितमध्ये २१ जना काठमाडौं जिल्लाका स्थानीय बासिन्दा हुन । यससँगै नेपालमा कोरोना संक्रमितको संख्या १५ हजार ७ सय ८४ पुगेको छ । यसमध्ये अहिलेसम्म ६ हजार ५ सय ४७ जना अस्पतालबाट डिस्चार्ज भएका छन ।