‘इनफ इज इनफ’ अभियानमा १४ जना अभियन्ताहरुको ऐक्यवद्धता

२२ असार, काठमाडौं । ‘इनफ इज इनफ’ का अभियन्ताहरुले अनसनकाे ११औ दिनमा समर्थन गर्दै ऐक्यवद्धता जनाएका छन् । कोरोना भाइरस संक्रमित बढिरहँदा उनीहरुको पीसीआर परीक्षण लगायतका माग गर्दै  ऐक्‍यवद्धता जनाएका हुन् ।

आम नेपाली नागरिकको जीवन रक्षाका लागि कोभिड–१९ को सबल व्यवस्थापन माग गर्दै जारी ‘इनफ इज इनफ’ (Enough is Enough) अभियानप्रति कला, संगीत, राजनीति, प्राज्ञिक क्षेत्र, सामाजिक अभियान, अधिकार लगायत समाजका विभिन्न क्षेत्रमा क्रियाशील १४ जना व्यक्तित्वहरूले ऐक्यवद्धता जाहेर गरेका हुन् । महामारीको प्रभावकारी व्यवस्थापनमा सरकारको गम्भीर ध्यानाकर्षण गर्ने अभियानको उद्देश्य संवेदनशील र समय सान्दर्भिक छ ।

अभियानका माग र वार्ताप्रति सरकार गम्भीर नदेखिनु चिन्ताको विषय बनेको छ । सरकारको उदासीनता निन्दनीय छ । शान्तिपूर्ण लोकतान्त्रिक अभ्यासमा युवाहरूको स्वतःस्फूर्त सहभागिता स्वागतयोग्य घटनाक्रम हो । यसै पनि युवाहरूको जिम्मेवार पहल सरकारकै सहयोगमा छ, देश र नागरिकको हितमा छ ।

सत्याग्रही ईः र पुकारको संवेदनशील स्वास्थ्य स्थितिसमेतलाई मध्यनजर गर्दै, अभियानका जिम्मेवार मागहरू अबिलम्ब सम्बोधन गर्न सरकारलाई आह्वान गरिएकाे छ । प्रत्येक नागरिकको जीवन रक्षा सरकारको प्रमुख दायित्व भएको ध्यानाकर्षण गराउँदै, अन्यथा स्थिति उत्पन्न हुन गएमा सरकार नै पूर्ण जिम्मेवार रहने व्यहोरासमेत अनुरोध गरेका छन् ।

अभियानमा ऐक्यवद्धता जनाउने अभियन्ताहरु :

१. अभिषेक प्रताप शाह

२. अश्मिना रन्जित

३. आशुतोष तिवारी

४. कन्चन झा

५. कुञ्जन तामाङ

६. चारु चड्डा

७. डा. दिनेश प्रसाई

८. डा. निश्चल नाथ पाण्डे

९. परशुराम वाईबा तामाङ

१०. बसन्त रन्जितकार

११. सगुन सुन्दर लावती

१२. सलिल सुवेदी

१३. प्रा. डा. सितु लाल श्रेष्ठ

१४. हिमा बिष्ट