नेपालको समग्र हितमा कार्य गर्ने नवनियुक्त महावाणिज्यदूत पौडेलकाे उद्घोष

२२ असार, काठमाडाैं । नेपाल सरकारबाट हालै नियुक्त भएका कोलकाता स्थित महावाणिज्य दूतावासका महावाणिज्यदूत इश्वरराज पौडेललाई नेपाल चेम्बर अफ कमर्स स्थित कार्यालयमा स्वागत गर्दै कार्यकालको शुभकामना नेपाल चेम्बर अफ कमर्सका अध्यक्ष राजेश काजी श्रेष्ठ दिएका छन् । सो अवसरमा वोल्दै महावाणिज्यदूत पौडेलले नेपालको समग्र हितमा आफ्नो कार्य केन्द्रीत हुने वताएका छन् ।

साथै नेपाल चेम्बर लगायत फ्रेट फर्वाडर्स एशोसियसन,चेम्बरका कोलकाता स्थित समकक्षी संस्था Indian Chamber of Commerce, Kolkata, The Bengal Chamber of Commerce & Industry (BCC & I) Kolkata, India, Federation of West Bengal Trade Association,23 NS Road Fairley Place, BBD Bagh Kolkata,West Bengal उच्च स्तरीय निकाय संगको समेत सहकार्यमा व्यापार सहजीकरण गर्न आफु दृढ समर्पित रहि कार्य गर्ने विश्वास दिलाएका छन् ।

भेटघाटमा नेपाल चेम्बरका अध्यक्ष श्रेष्ठले सिपिट लाइनले कन्टेनरमा लिने डिटेन्सन शुल्कमा एकरुपता नभएको हुंदा सो हटाउने तर्फ पहल गर्नु पर्ने अनुरोध गर्दै नेपालको लागि एथेस्ट रेल्वे मुभमेन्ट कार्गोको व्यवस्था हुनु पर्ने वताए । सो अवसरमा अध्यक्ष श्रेष्ठले पारवहन लागत घटाउन तंहावाट हुन सक्ने प्रयास जारी राख्न पहल हुनु पर्ने, कोलकाता Customs House सँग सुमधुर संम्बन्ध राखि नेपाली कार्गो लाई सहजीकरण गर्ने , कोलकाता Port Trust सँग समन्वय गरी Port मा लाग्ने अनावश्यक झमेला एंव Demurrage मिन्हा गरी व्यवसाय गर्न सहज गर्ने तर्फ आवश्यक पहल गरि दिन विशेष अनुरोध गरेकाे बताए ।

साथै CIF Birgunj हुने गरी LC कारोवार गर्दा पारवहन लागत कम हुने भएकोले Shipping Line को सहयोगी भूमिका महत्वपूर्ण हुने हुंदा त्यस तर्फ पहल गरी दिन र कन्टेनर डिटेन्सन शुल्क लाई कम गर्न आवश्यक पहल गर्न समेत अनरोध गर्नुका साथै पारवहन तथा गोदाम व्यवस्था कंम्पनी लिमिटेड लगायत चेम्बर संग समझदारी पत्रमा हस्ताक्षर भएका करीव चार वटा चेम्बर संग समन्वय गरी व्यापार, लगानी र कोभिडको महामारी प्रश्चात मेला, प्रदर्शनीमा सहभागीतामा जोड दिनु पर्ने वताए । भेटवार्तामा चेम्बरका वरिष्ठ उपाध्यक्ष, राजेन्द्र मल्ल, उपाध्यक्ष, कमलेश कुमार अग्रवाल लगायत अन्य पदाधिकारीहरुको उपस्थिति रहेको थियो ।