एक करोड मुल्यमा सन्दीप सीपीएलमा आबद्ध

२३ असार, काठमाडौं । सन्दीप लामिछाने करोड मुल्यमा क्यारेवियन प्रिमियर लिगमा आबद्ध भएका छन । जमैका तलावाजबाट खेल्ने गरी आबद्ध भएका उनले एक करोड बढी पारिश्रमिक पाउने भएका हुन । सोमबार भएको ड्राफ्टबाट सन्दीपलाई जमैका तलावाजले अनुबन्ध गरेको हो ।

सन्दीपले यसअघि दुई पटक सीपीएल खेलिसकेका छन् । सन्दीपले यस अघि सेन्ट किट्स एन्ड नाभिस प्याट्रियट्स र बार्बाडोस ट्राइडेन्ट्सबाट खेलेका थिए ।

सन्दीपलाई तलावाजले ९० हजार अमेरिकी डलर अर्थात १ करोड ८ लाख नेपाली रुपैयाँ लिएर तलवाजसँग सम्झौता गरेका हुन । यो सीपीएलमा सन्दीपको अहिलेसम्म कै सर्वाधिक महँगो मूल्य हो ।

सन्दीपलाई यस अघि सेन्ट किट्सले ५ हजार अमेरिकी डलर र बार्बाडोसले ७० हजार अमेरिकी डलरमा अनुबन्धन गरेको थियो । नेपाली क्रिकेटका ग्लोबल आइकन सन्दीप ड्राफ्टमा सहभागी ५ सय ३७ खेलाडी मध्ये एक्लो नेपाली हुन् ।