ओली सरकारविरुद्ध कांग्रेस र जसपाको मोर्चाबन्दी !

२३ असार, काठमाडौँ । जनता समाजवादी पार्टीका नेताहरु अचानक कांग्रेस सभापति शेरबहादुर देउवानिवास बुढानिलकण्ठ पुगेका छन । सरकारले संसद अधिवेनश अन्त्य गरेपछि यसका विषयमा छलफल गर्न जसपाका नेताहरु सभापति देउवा निवास पुगेका हुन ।

कांग्रेस र जसपाका नेताहरुबीच यस विषयमा निर्णायक छलफल भएको पनि नेताहरुले बताएका छन । एमसीसी, नागरिकता संशोधनलगायत तत्काल गरिनुपर्ने विषयमा छलफल नै नगरी संसद अधिवेशन अन्त्य भएपछि प्रतिपक्षी दलका नेताहरु आपसी छलफलमा जुटेका हुन ।

बुढानिलकण्ठमा जसपाका नेताहरु महन्त ठाकुर, उपेन्द्र यादव, राजेन्द्र महतो, बाबुराम भट्टराई सहभागी छन् । कांग्रेसका तर्फबाट सभापति शेरबहादुर देउवा, वरिष्ठ नेता रामचन्द्र पौडेल, विमलेन्द्र निधि, कृष्णप्रसाद सिटौला सहभागी भएका थिए ।

सरकारविरुद्ध मोर्चाबन्दी गरेर संसद अधिवेशन फेरि सञ्चालनका लागि संयुक्त दबाब दिने जसपा र कांग्रेसको तयारी छ ।