सबैको पीसीआर परीक्षण गरिने भएपछि दुई युवाले तोडे अनसन

२३ असार, काठमाडौँ । सबैको पीसीआर परीक्षण गर्न सरकारलाई बाध्य बनाएर दुई युवाले अनसन तोडेका छन । परीक्षणको दायरा बढाउन तथा कोरोना रोकथाममा प्रभावकारी कदम चाल्नुपर्ने माग राख्दै आएका युवा ई र पुकार बमले मंगलबार बिहान अनशन तोडेका छन् ।

सोमबार सरकारसँग १२ बुँदे सहमति भएसँगै मंगलबार बिहान ह्याम्स अस्पताल परिसरबाटै उनीहरुले अनशन तोडेका हुन् । स्वास्थ्य अवस्था खस्किएपछि दुवै अनसनकारीलाई ह्याम्समा भर्ना गरिएको थियो । बम र श्रेष्ठ १२ दिनअघि पाटन दरबार स्क्वायरबाट अनशन सुरु गरेका थिए । अभियानका तर्फबाट बिहीबार स्वास्थ्यमन्त्री भानुभक्त पोखरेलसमक्ष विभिन्न माग राखिएको थियो ।

सहमति पत्रमा स्वास्थ्य मन्त्रालयका तर्फबाट डाक्टर रोशन पोखरेल र डाक्टर समिरकुमार अधिकारी र अभियानका तर्फबाट ई: र बमले हस्ताक्षर गरेका छन् ।