विद्यालयमा नेकपाले राजनीति नरोके कांग्रेसले आन्दोलन गर्ने

२३ असार, झापा । शैक्षिक संस्थाहरुमा राजनीतिकरण भएको भन्दै नेपाली कांग्रेस दमक नगर समितिले नगरपालिकालाई ध्यानाकर्षण गराएको छ । विद्यालय व्यवस्थापन समितिको गठन प्रक्रियादेखि शिक्षक नियुक्तिमा नगरपालिकाको ठाडो हस्तक्षेप बढेपछि कांग्रेसले ध्यानाकर्षण गराएको हो ।

कांग्रेस झापा जिल्ला शिक्षा समिति सदस्य तथा दमक कांग्रेसको नगर समिति शिक्षा संयोजक पर्शुराम रिजालले यसबाट पनि नगरपालिकाका जनप्रपतनिधि सचेत नभए चरणबद्ध आन्दोलन गर्ने चेतावनी दिएका छन ।

दमक नगर पालिका कार्यालय सम्पूर्ण नगर बासीको अभिभावक हुनु पर्नेमा राजनैतिक छाता ओडेर कसैलाई छहारी र कसैलाई तातो घाम तपाउने रणनितिले दमकका शैक्षिक अगुवाहरु समग्र शैक्षिक बिकासमा ब्रेक लागेको कुराले निराशा पोख्न थालेका छन् ।

शैक्षिक गतिविधिहरुमा राजनैतिक संलग्नता शुन्य बनाउनु पर्नेमा जोड दिदै नेपाली कांग्रेस दमक नगर समितिले काम चलाउन र आप्mनो दलगत उपस्थिति वृद्धि गराउन मात्र गठन भएका नाम मात्रका विद्यालय व्यवस्थापन समितिले बिद्यालयको समग्र हित र विद्यालयको शैक्षिक सुधारमा कुनै टेवा दिन नसकेको आरोप समेत लगाएको छ ।

राजनैतिक आवरणमा गठन भएका काम चलाउन विद्यालय व्यवस्थापन समितिले आप्mनो स्वार्थ अनुसार काम गर्दा शैक्षिक गुणस्तरमा कुनै प्रगति हुन नसकेको दमक कांग्रेसका सभापति रोशन बिष्टको गुनासो छ ।

अभिभावकहरु दलगत रुपमा राजनितिमा संलग्न भए पनि बालबालिकाहरु कुनै पनि दलको नहुने बताउँदै झापा कांग्रेसका युवा नेता घनेन्द्रराज योङ्गया शिक्षालाई सर्वसुलभ बनाउँदै आम विद्यार्थीहरुको हितमा काम गर्न सक्ने भावना नगरपालिकाले राख्न सक्नु पर्नेमा जोड दिन्छन ।

नेपाली कांग्रेस दमक नगर समितिका सभापति रोशन बिष्टले विद्यालय गठन भएका विद्यालय व्यवस्थापन समितिहरुले मनोमानी ढंगले प्रधानाध्यापक फेरबदल गर्ने, शिक्षकहरुको मनोबल घटाउने र विद्यार्थीहरुमा नकारात्मक असर पार्ने खालका क्रियाकलापहरु विद्यालयका हुने क्रम बढीरहेको बताए ।

यस्तै दमक ९ मा अवस्थित श्री सरस्वति उच्च माविमा लामो समय बितिसक्दा पनि प्रधानाध्यापक नियुक्ति नगरेको, बरिष्ठ शिक्षक बहाल हुँदाहुँदै नियम विपरित अर्कैलाई निमित्त प्रधानाध्यापक नियुक्त गरी प्रधानाध्यापकको जिम्मेवारी दिएको जस्ता कारणहरुले बिद्यालयको शैक्षिक गुणस्तरमा नै ह्रास आउन थालेको उनले बताए ।

नगरपालिकाले शिक्षा क्षेत्रलाई आप्mनो राजनैतिक अभिष्ट पुरा गर्ने थलोको रुपमा प्रयोग गरीरहेको पाईएकोले कांग्रेसले त्यसको बिरोध गर्नु परेको उनको भनाई छ ।

आगामी बुधबारसम्मको समयसीमा दिएर बुझाइएको ज्ञापनपत्रमा दमक नगरपालिका र नगर शिक्षा समितिले बिशेष ध्यान पु¥याउने कुरामा आशावादी भएको कांग्रेसका युवा नेता पर्शुराम रिजालले बताए । आफ्ना माग सम्बोधन नगरे कडा रुपमा आन्दोलन गर्ने रिजालको भनाई छ ।

कांग्रेसले नगरपालिकालाई बुझाएको ज्ञापनमा उल्लेख गरिएका मागहरु

१. अबैधानिक ३ सदस्यीय विद्यालय व्यवस्थापन समिति खारेज गरी शिक्षा ऐन २०२८ र शिक्षा नियमावली २०५९ अनुसार बिद्यालय ब्यवस्थापन समिति गठन गरी विद्यालय सञ्चालन गर्नुपर्ने ।

२. दमकमा रहेका सामुदायिक विद्यालयहरुमा राजनैतिक आस्थाका आधारमा शिक्षक कर्मचारी माथि भईरहेको विभेदलाई अन्त्य गरिनु पर्ने ।

३ कोरोनाको कारण सिर्जित शैक्षिक समस्याहरुलाई अबिलम्ब समाधान गर्नुपर्ने ।

४ बिद्यालयमा भैरहेका आर्थिक गतिविधि पारदर्शी हुनुपर्ने ।