सांसद समेत नरहने गरी सरिता गिरी समाजवादी पार्टीबाट निष्कासित

२३ असार, काठमाडौं । पार्टीको ह्वीप नमानेको भन्दै समाजवादी पार्टीले सांसद सरिता गिरीलाई कारबाही गरेको छ । पार्टीबाट प्रतिनिधिसभामा पुगेकी उनलाई सांसद र साधारण सदस्य समेत नरहने गरी पार्टीृबाट निष्कासन गरिएको समाजवादी पार्टीका प्रचार विभाग प्रमुख विश्वदीप पाण्डेयले जानकारी दिए ।

आज बसेको समाजवादी पार्टीको बैठकले गिरीलाई साधारण सदस्य समेत नरहने गरी पार्टीबाट निष्कासन गर्ने निर्णय गरेको हो । यसअघि समाजवादीले पार्टी महासचिव रामसहायप्रसाद यादवको नेतृत्वमा गिरीलाई कारबाही गर्न सिफारिस समिति बनाएको थियो । समितिले कारबाही गर्न सिफारिस गरेपछि पार्टीबाट निष्कासन गरिएको हो ।

लिम्पियाधुरा, कालापानी र लिपुलेक क्षेत्र समेटिएको नयाँ नक्साअनुसार निशान छाप परिवर्तन गर्न सरकारले ल्याएको संविधान संशोधन विधेयकमा गिरीले संशोधन प्रस्ताव दर्ता गराएकी थिइन् । पार्टीले भन्दा पनि विधेयक फिर्ता नलिएपछि उनको सांसद पद गएको हो ।

खासगरी उनी संसदमा बोल्दा हिन्दीमा बोल्ने गर्थिन । अनि विभिन्न सञ्चारमाध्यममा नेपालविरोधी अभिव्यक्तिहरु दिने गरेकी थिइन ।